伊健呀~

每次喺電視見到伊健出現，我都問呀哥點解唔帶我入去呀？？？

每次都有唔同嘅解釋，但女友果啲呢。。。就好快安排到=_=

上星期小檬舅父同我講佢攞到古惑仔演唱會嘅飛，

仲可以趁佢地綵排時攞飛，順便探班見吓伊健。

(之前其他叫親佢攞都好多時攞唔到，不過佢工作關係，

同其中一位比較熟，所以就有信心攞到，

其實我已經backup喺信用咭訂）

終於等到呢日都喇！！

我等呢次機會已經幾廿年，佢終於做到啲野喇！！！！！

撞啱萬勝節，扮下魔鬼先

啲姐姐見到佢又拎啲糖糖比佢

等佢地break時先見面，

又唔好意思阻佢咁耐

首先同阿Lo影下相，之後係佢太太

康子妮啲皮膚好靚!

出嚟喇出嚟喇~佢真係超級怕醜，不過好nice。

我問小檬呢個邊個嚟架？

小檬答伊面哥哥

咁佢做咩架？

小檬答古惑仔呀。

(前排做佢嘅旅遊特輯時，已經教咗小檬呢個叫伊面哥哥,
家樂聽到問小檬入場有冇人查你身份證架？？哈哈)

之後就快d合照,舅父喺前面引佢笑，先有個笑樣

連伊面都笑埋一份

影完伊健，就同家樂仔影

影完之後，發現伊面準備入返去，

我果時抱住小檬，即刻問家樂仔抱住佢得唔得？

果刻已經唔理個仔喇,哈哈!!!

之後就即刻捉住伊面影返張合照，

我唔理三七廿一攬住佢影，

佢就搭返我膊頭，嘩，開心c我喇！

佢好瘦呀，顯得我又肥又婑！=p

不過唔緊要啦，我好滿足㗎喇！

佢入返去之後就同家樂吹水，佢讃小檬靚仔，

話佢隻眼好大，問佢幾大，

之後拎佢個女d相比我哋睇，話而家係咁樣，

大咗自己睇下對唔對辦！哈哈~

我地仲大談BB經，好似好熟咁 ~

是次探班活動，雖然時間好短，不過都好精彩！

如果自己肯定唔會去搵佢，不過有人安排又梗係去啦！

好快又見面喇。。。期待!!!!