小檬爸爸生日 2013 Birthday

今年檬爸生日，我都冇時間諗下點好，

之前兩日殺到埋身先認真安排一下....

睇完伊健可能太興奮，第二日小檬居然五點幾起身叫我唱歌。。。 

我已經盡辦法叫佢瞓返，但佢實在太頑強喇！！ 

結果我就起身同佢唱ABC。。。@-@

婆婆到差不多七點幾起身接力。

 我就拿拿臨瞓多一吓就起身同小檬去交留位費。

 （係，小檬已經有人生第一offer！！有一間個心都定啲) 

之後就趕去整蛋糕比檬爸，因為佢呢日佢生日！
(好眼瞓，有一刻諗過不如唔去整。。但係最後堅持)

佢晏晝先喺大陸返嚟，我都有一個上晝整，

之前已經同Olivia溝通好我時間有限，

所以唔可能整上次果個Mario（果次真經典）

(我曾經都瘦過㗎)

所以我都比佢話事整咩。我去到就跟住佢做。。。 

終於完成！！ 

其實我覺得唔係咁靚，不過冇時間整啲複雜野，希望用愛心搭夠！  

之後趕返屋企，等佢返嚟，時間啱啱好，

聽到鑰匙聲我就同小檬企喺到迎接佢

多謝婆婆充當攝影C，

雖然鬆郁朦

 愛心蛋糕, Happy Birthday to Papa! 

趕得滯唔記得吹蠟燭

送埋禮物之後就出去。。

我揀咗去迪士尼酒店食TEA。 

時間可以2：15食到6：00。 

又自斟自飲。。。

開始扭落地

做咩咁得戚？！

因為waitress 姐姐見佢扭計就比啲貼紙佢。 

即刻開心哂

又要玩飲管

好精美嘅tea

我好乖，飲熱檸水，

小檬見到啲檸檬

又話要飲"檬檬茶茶"。

唯有比塊檸檬佢試吓。。

第一吓唔知道酸

食完再攞，之後就咁嘅樣。哈哈哈 

哈哈 雖然佢好鍾意食酸野

不過最終都係頂唔住

 之後我地行咗出去公園影吓相。 

點解我隻脾肥咗咁多㗎？嗚嗚

留意新鞋仔，日版三間毛毛邊高筒鞋，

我買咗好耐！幾驚啱著嘅時候係夏天！

開開心心就玩咗個下午。 

小檬爸爸，祝你開心快樂，身體健康～