買。唔買。買

第一胎照完結構知道性別之後媽媽們通常就去血拼！

但我呢...有天使嘅心，又想跟魔鬼嘅行動

（天使） 要盡量著返哥哥啲衫 

（魔鬼） 真係做到？ 

（天使） 梗係得啦，BB夾衣打底果啲咪著返啦，冇問題吖。。。 

（魔鬼） 你贏，咁面衫呢？？有人探佢出吓街，都著粉藍色呀？？ 哥哥好多都係粉藍色果喎。 

（天使） 面衫咪買幾件囉，之後買返啲女仔口水肩咪得囉。 

（魔鬼） 真係？啲女仔衫真係好靚果喎。。。你之前行街成日都睇吓架

 （天使） 係。。睇吓咪得囉。。唔係唔買，唔好買咁多，要慳啲使喇！

 （魔鬼） 妹妹著住啲女仔衫實好得意架。。。。 

 以上對話不停咁出現。。。

魔鬼天使不停咁講。。。我要理智啲。。。但又敵不過現實！！ 如果係第一個就有藉口買，第二個如果唔執呀哥啲衫，又唔得。好啦。。。見到真係啱就買一兩件啦（唔好睇少女人嘅一兩件，因為通常最後唔係一兩件） 

某大牌大減價，先買針織外套，我好鍾意BB著呢d外套仔！

再買咗條裙仔！

其他各物品都應該可以用返，不過啲奶樽就應該要買過，因為已經好似好舊，又唔係貴，如果買返TT就可以用返啲3號咀，但係個消毒器就壞咗。連埋婆婆屋企前後壞咗兩個。真係唔應該再買呢個牌子，大家用緊嘅又有咩推薦呢？ 

除咗呢個，真係好似冇野要買。。。