包包人~

我地去honey moon 已經買咗啲麵包超人嘅產品比小檬。

但到佢大個咗啲識啲卡通characteer之後，都冇話對包包人好有興趣

(小檬講唔到四個音嘅名，所以佢自行改叫做包包人） 

呢排攞返啲冬天衫著，有一件包包人衫仔，佢一著就好好鍾意，係咁叫包包人呀。。。包包人呀。 

有一日瞓醒同佢換衫去婆婆屋企，佢居然唔肯除。。喊哂都要著住，於是算啦，唔換喇。（只係件衫袖有啲啲短）著返件外套啦。。。佢都唔肯，話遮住包包人喎！！ 

放工返到屋婆婆話佢連沖涼都唔肯除，好辛苦先氹到佢除，都要放喺則邊見都先安樂。 到第二日，佢去婆婆到瞓教嘅時候又扭要包包人，唔係唔肯瞓！ 

都唔知道點解突然又咁鍾意包包人，立即搵返隻公仔出嚟先。。就攬住好friend喇！！ 

希望下星期interview唔好又扭著包包人喇！！