又要再講時間過得真係快，話咁快懷孕到咗20W喇 ！ (5個月)
即係到咗整個懷孕期40W的一半, 可能已經過咗一半，因為37W-42W已經算是足月!
聽聞這段時間應該是懷孕最舒適的時間，因又已經沒有作嘔作悶，
又已經適應了懷孕的各種改變, 又未到之後肚大大的不便!!
又幾啱嘅，雖然之前都冇作嘔作悶，但而家過左3個月，感覺上實在啲，
所以行都可以行得快返啲，有時都差啲唔記得大左肚!
飲食方面，都係同之前差不多，食少左飯，食多左肉，因聽聞食飯肥媽媽，
食蛋白質先肥BB，不過可能之前食得太多魚，而家見到魚反而有小小驚!
其他的都食得都食，除左要介的那些，不過都係小食多餐啦，
有時食得太飽真係好漲，好辛苦!!
早餐／午餐／tea／晚餐／水果，
好少食宵夜，因為怕飲水又要夜晚去廁所，
由3個月開始通常一晚去一次廁所。最怕就係去完瞓唔番，
不過都好彩我通常瞓落去3秒就瞓著!!
每日時間除了返工放工之外，就係吃喝玩樂瞓瞓瞓.,
都有睇定啲育兒資訊，坐月時的事情，不過都未係好認真咁睇
（其實我老公睇得多啲!）
我好似只係準備得好少。。。。
雖然之後要處理的事情， 唔係要同一時間做哂，但係都要陸陸續續完成，
而家老公都唔係咁比我郁，只係比我坐喺到同瞓！
遲啲肚再大啲， 可能連我自己都唔想郁~但以下的事情總要我參與
Pending list
-買買買
預計9月尾會開始，因我10月中/11月公司開始忙， 同埋我預產期係一月尾，一月份已經係大眾辦年貨物的時間，我諗呢啲咁多人的日子，我只會留喺屋企，免得過同人迫! 12份又係聖誕佳節， 都係人多的日子! 所以都會早啲買定哂啲野!
-洗洗洗
婆婆已經話幫我洗BB的新衫…etc可以坐享其成!
-執好細房
要準備位置給放BB物品及婆婆物品 (婆婆暫時會搬來幫我湊Baby G 呀!)
-溫書
開始要讀熟各育嬰天書，起碼都知道啲基本知識 (之前只係揭揭揭…)
-諗吓BB名字
最頭痛!! (事關Baby G Papa姓莫
)
-換季
點解要特別講？因為我換季好麻煩，地方有限，上季換季時將衫放喺哥哥寫字樓到，變成我的迷你倉。所以要出去車返啲衫返嚟先得。。。又唔知邊啲著得落， 唯有到時揀啲啱身嘅先拿返嚟, 又要pack 好夏天嘅衫先得，其實最好最好有個超大型衣櫃， 將兩季嘅衫都放喺到。。。我都係發吓夢先啦~
-買櫃/膠箱
屋企應該唔夠櫃放野，初部諗住買啲膠箱頂住先。。。。唉，本來好整齊要轉變喇！！
今日係中秋節，又係BB的五個月大，一家三口可以同屋企人一齊吃飯慶祝！
祝大家中秋節快樂！
雖然我已經有包包面同肥Pat pat，但我都要做
今日我最靚～
好彩我都覺得佢地啲產品好靚，唔係我地都唔會買！
