最珍貴的禮物

還記得當初猶豫是否應該再生第二位小朋友，

眨眼間，妹妹已經扶著企了。

坦白說，想要B be的時候也沒有太多的計劃，

只覺得好像兩個小孩比一個好，於是便試試。


感恩很快有了B be。雖然也殺我們一個措手不及

之後的安排也需要些時間才能安定下來，

但現在總算不是太差

B be 出世的時候，小檬剛到了聞風喪膽嘅trouble two，

很感恩小檬沒有trouble, 亦很錫B be! 

現在還有兩個月就到三歲的小檬，

這大半年間成長很快

由BB轉變成小朋友，更有自己的想法，更有自己的性格

B be的出現，如果處理得不好，很容易令小檬和B be 關係變差

幸好初生時,小檬已經很錫B be


到這個幾月B be 懂得與人互動

兩位小朋友碰上的時候，

總令我更加覺得我們的決定沒有錯！

看著你們，心裡有一種說不出的開心和感動。

一起生活

一起吃

一起玩耍

一起學習

(玩具反斗城catalogue)

一起分享

一起開心過節日

一起渡過特別時刻

兩位小朋友在我來說亦令我可以分散注意力，

無論好與壞，也不會過份緊張。

湊一個小朋友時間過得快，湊兩個更不知道時間往那裡溜走。

令C9的媽咪更C9 

盡管媽媽未能整天一手一腳湊你們
但愛你們的心是不會改變

媽媽會時刻緊記公平對待

將來有更多的事情由哥哥和妹妹互相扶持。

有人說，兄弟姊妹也有可能不和

也不一定相親相愛


但，凡事總應該由正面出發

將來的事，又有誰可以料到

看著你們每日成長

媽媽已經心滿意足

可愛妹妹傍總有個傻哥哥

當哥哥的，記著要保護妹妹

這世界上，唯獨是親人是沒有可以替代的

一個陪著你成長的伴,是過後怎樣也不能尋找到的。

雖然長大後可能各走各路

但都希望你們各自各精彩

到最後要記住兄妹每天快樂成長的點滴

這是爸爸媽媽送給你們最珍貴的一份禮物

珍惜兄妹的緣份, 永遠相親相愛!!

卡通人物模仿大賽

之前為咗卡通人物生日會買嘅巴斯光年衫，初頭諗住都係著一次，

到學校攪化妝舞會可以著返已經好開心。

有日收到個電郵話小檬可以參加一個卡通人物模仿大賽，

我先記得自己見有張相就post 去迪迪尼channel個飛卜網站，

原來係參加比賽，其實我都唔知道比賽啲咩，

不過見又可以去玩吓，於是就去喇！

我地之前已經嚟過呢到影相，不過冇寫blog。

呢日到會場，小檬啱啱喺架車瞓咗，好在叫佢起身都冇扭，只係有啲呆！

先排隊等出場，已經見到好多小朋友扮嘅卡通影人物，

有米奇Mickey,Minnie,史迪仔,woody, buzz lightyear。。。

問咗啲姐姐原來係上台比賽攞最佳造型獎。

因為舅父結婚果日之前試過唔肯上個台到影相，

所以今次都有啲驚

上台之前再同小檬講，要自己上去，

跟住自己擺pose，要一飛沖天！

媽咪係台下面睇佢。

到反斗奇兵喇!

媽咪帶咗佢行樓梯之後

就跑返落台下面等佢見到我比啲鼓勵佢 

不過實在太多緊張嘅家長喇。我諗佢未必見到我 

爸爸一早企喺到standby所以佢應該見到爸爸

小檬一步一步行上去！ 

企好

小朋友上台之後MC姐姐叫佢地擺pose，

小檬都就舉起手 

"一飛沖天" 

之後第二個pose，

小檬想做近排好鍾意嘅單腳踎低。

唔知道點解又踎吓唔，唔知想點 

跟住就完成！ 快到你唔信～

小檬就跟住啲小朋友一齊行返落台，我就喺台下面接佢。

雖然係好簡單嘅流程，呢個亦係啲咩學術比賽，純粹娛樂性質，

不過我都好開心，見到佢好大個人仔咁自己行上台，

企定定對住咁多觀眾攝影機，錄影機，都冇怯場。

換轉我上台對住咁多人都可能會驚！

做父母嘅，見到咁就會有不能形容嘅開心感動

(眼淺中) 

之後就大合照，搵到小檬嗎? 

比賽完咗有一袋禮物，之後我地又影過啲卡通人物 

雖然今次比賽我地冇贏到獎，

不過贏到失敗嘅經驗，這比贏出更加有得著！

亦令我再一次知道小檬大個仔！

期待今星期的學校聖誕表演!

Family photo @NT photography (3) Nov 。2014

小檬與B be

my happy family

NT photography

學校生日會

今日又係學校每月一次的學校生日會，

尋晚臨瞓前同小檬講聲，

諗住氹佢要快啲瞓，點知佢話咁要著巴斯衫喇！

我話聽日唔係化妝舞會又唔係卡通人物生日會，

所以唔使著，佢C都話要著，

臨瞓前無謂同佢爭辯，就話聽日先算喇。

今朝，又喺一片唔多願起身嘅氣氛吓起身，

扭吓擰吓，終於食完早餐換衫，

點知佢真係話要著巴斯衫（汗）

要知道果套巴斯光年衫有幾"牙咋"，而且又唔係扮野party，

淨係佢自己著真係有啲異相，我諗老師都會問"你想點？"

咁我又點會同佢著呢，我唯有話要放入面書包返到學校先換。

講咗幾次，佢都唔肯，差啲爆喊，

好在又唔知用咩引開佢注意力之後就靜靜地同佢著衫！

成功！

小檬有樣好，佢都算復元快！

好快又變返開心BB。

落樓影去例位影返張相先！

呢兩日唔知道係邊到學到咁樣擺pose 

冇教佢就自己擺

真係好好笑 

雖然好大風，不過攬住就暖笠笠啦！

開始大，

呢朝調虎離山計唔知用得幾多次！

Family photo @NT photography (2) Nov 。2014

影完B be 都影吓小檬

這邊箱我地掛住幫B be 換片，

那邊箱的搗蛋嘅小檬將啲bubble倒哂！！

佢仲問我地點解冇哂啲bubble

好在NT哥哥將佢一一影低！

全程輯錄

溫馨時刻

親親媽咪

NT photography

攣毛豬

B be一出世就好多頭髮，小檬哥哥都係，

所以我都估到B be都係！

啲頭髮仲越來越多, 

越來越孿添

(我同爸爸細個啲頭髮都係攣嘅)

都未夾到頭髮我已經買定啲夾仔喇！
亦有啲朋友送，有啲舅父日本旅行買

都未得閒買個有格仔嘅盒裝好佢地。

到頭髮再長咗

呢日就試吓同佢紮辮仔

新手媽咪紮辮仔

應該合格呱  

原來好難紮架，因為佢會郁嚟郁去！

好多人，識同唔識見到B be 咁多頭髮都會望吓講吓，

話佢第時唔使電髮啦，

我就會補一句話，

不過要做負里子呢！