小檬28M喇!!
食
而家食野好返好多，飯飯，粉粉，麵包／
蔬菜／魚（只菱魚餅）／豬肉碎／
生果／水水／湯都有飲啲（不過要氹吓）
鮮奶／豆漿／yogult
帶子都食，不過要新鮮，靚嘅先得！真係咀刁
越寫越多，真係好開心，因為之前咩都話唔食，
開始扯高就比人話佢好瘦。我都吓好想佢肥返啲，
不過小朋友真係逼唔嚟，而家佢健康就得！
皮膚好乾，一熱就好痕，出哂汗就先隻monkey咁，
而家用緊SEBA，唔同要轉shower Gel？
自從睇咗巧虎之後，洗頭仔都冇咩喊，
爸爸同佢照頭淋之後即刻抹返，就冇事，
我就唔係好忍心照頭淋。。。
之前識poopoo咗話我地知道，
之後突然踏入倒退期，poo完繼續玩，唔出聲，
等我地發現先話poopoo咗。呢個月有進展，我們好似乎常哦上身咁，
不停同佢地講有poopoo 要同我地講，
之後見到牛欄牌廣告有個小朋友喺廁所唔。。。唔。。。咁，
佢一有就會同我地講要去poopoo
根據婆婆報告都算好成功，不過有時就趕唔切，
我已經覺得佢好叻架喇，繼續啊～
把口除咗瞓教果時之外，都係冇停嘅，基本上已經同大人講野冇分別。
媽媽喺房同佢瞓玩玩吓佢整到我我扮喊，
佢就話"出去搵爸爸入嚟睇吓媽媽做咩先"
婆婆喺7-11 搵唔到yogult佢就同婆婆講，"咁你咪問吓人囉"
瞓醒同我講，"媽媽不如我地出去。"
喺會所BBQ，食到尾聲婆婆同妹妹上去先，當我地返上去時佢會發現唔見咗妹妹，
會要搵返妹妹，好掛住妹妹（雖然佢冇發現妹妹唔見咗一陣）
媽媽手手臂損咗佢錫返同我按摩之後講I LOVE YOU
媽媽扁咀唔開心佢會好daa咁嘟住咀叫媽咪，然後錫返我r
曳野之前講過，呢兩日喺落樓下散步佢仲越叫越走。。。好快我都追佢唔到。
好在喺街到都唔會係咁。
之前都未係好識雙腳離地跳，今個月已經學識，
有時冇啦啦都喺屋企跳，有時又會不停自轉，之後扒低。
（我細個都好鍾意咁玩。。哈哈）
有日自己唔小心個人咀唇嵌落啲玩具到，流血，我放工返到去，
佢就示範返比我睇
觀察力好強，記性好好，大部分嘅野講一次就記得。
有一晚落去散步同佢著果對白色鞋仔佢唔肯著，佢話好薄，
我地好驚訝，點解佢薄都識？？我地冇教過。
老公諗返原來尋晚東張西望講白飯魚啲膠最底太薄，
唔適合小朋友著。佢應該聽到
但係果一刻佢係冇理過電視機嘅，淨係玩緊車車嘅。
（所以我都唔太擔心開電視，因為佢都唔係好睇）
帶帽，型唔型呢？
我識畫個圈型同寫1字
我會用匙更食可可脆片
用杯杯飲水
成日落雨，唯有喺屋企釣魚
EEEEE
食自己隻手，之後話有藍色可樂味
（但係佢從未喝過可樂）
又喊又細笑嘅小朋友
呢個叫錫到燶哂
又chok
停車場門口要合照
落哂大雨,爛玩舅父特燈拎筒水同我玩
你睇我開心到
by 舅父嘅靚相機
