妹妹豬上學去。適應班Day 2~5

適應班Day 2
所有安排時間同第一日一樣，

唯一唔同就係妹妹豬知係返學，

心情已經大靚！！！！


佢真係好鍾意返學！

都係同啲老師打咗招呼就自己玩，佢上咗去個sir滑梯玩，

咁啱識咗位媽咪，同佢傾咗兩句，已經唔係行開，

只係個頭唔係全程望住佢，突然間佢就行出嚟眼濕濕話唔玩，

都唔知發生咩事
好在都忍住唔喊，唔知道係咪撞到吓呢？？

落返嚟都肯玩其他。

第一日未知要開門，擒入去。。哈哈
呢日已經識要開門

hello~ 




老師叫小朋友排洗，就乖乖排隊


繼續扮去we we

入課室上堂喇，中文老師同小朋友玩傳波波遊戲，

傳到自己要同大家say hello 介紹自己介紹自己，
到妹妹豬手上喇

"我叫妹妹豬！"
（唔使我喺後面提，叻叻！）

放學返到屋企，
妹妹豬識話俾婆婆知道佢今日喺學校喊，唔sir滑梯
好叻呀。。記得小檬果時真係唔識講自己做過咩架

(唔比較~ 唔比較)

適應班Day 3 

雖然剪短咗，不過都可以結紮鬢邊

呢日有啲雨，好在都入到學校先落大雨。

尋日玩廚房唔夠喉，呢日第一時間玩

玩吓三輪車，對襪會否太fancy？

好難得喺課室門口影吓相。趁未返學，快啲影張先！

呢日如常玩車車／廚房，不過冇玩sir滑梯喇，唔知係咪驚左呢！
有位普通話老師見到妹妹條辮仔就同我傾吓女仔紮辮辮，

話~ 呢啲唔係咁經常用嘅詞語，
講到我都唔知道自己講咩！
嚇c人

妹妹豬見我唔理佢，已經自己走去睇圖書！

好叻叻呀～
自己走去睇，唔使我陪！


又到排洗喇。。。

以為又係扮去we we

點知呢日真係we到呀！！！！
wow。好開心呀。。
第一次見到人we we
我自己會咁開心架。。wakaka
出嚟梗係讚賞佢啦！

入課室喇。。呢日聽吹汽球故事！
小朋友仲可以幫汽球畫頭髮添～

同校長傾談講咗兩句，俾佢睇咗啲相，妹妹豬想睇，我就話唔睇電話架。
放學返到屋企，妹妹豬識話俾婆婆知
佢今日喺學校曳，要睇電話。
真係估唔到咁快識報告

適應班Day 4
呢日上午黃雨，好在都過得快，所以下晝有得返！
原本唔係叫姐姐咁紮架，不過都幾好吖。。

我都要諗吓之後點叫姐姐整咩頭？？？
定俾佢自由發揮呢？

今日校長有啲野同我傾。。於是老師就帶住妹妹去玩，
佢又肯跟喎！傾完都冇搵我！

都係自己乖乖睇書

排洗。。


呢日冇得wewe喇。。可能啱啱去咗～
唔緊要，已經好叻架喇！

適應班Day 5
最後一日喇！

今日試吓著運動衫先。。一話返學校就笑容滿面

姐姐幫佢紮好嘅鬢邊出到嚟已經散晒！
我諗好大機會遲啲自己返到學校都係咁！
我再幫佢紮返條melody已經爛咗！
唯有plan b孖邊妹就算！

睇吓圖畫／玩吓車仔，

又排洗

今日又冇wewe呀。。

不過佢尋日喺屋企婆婆話已經成功咗好多次！

入課室聽故事喇！故事講小朋友返學校。。。
唔知道點解今日時間好似特別快，

落堂完成5日嘅適應班喇！

妹妹豬比我想像中更加鍾意返學！！
比我想像中獨立！
唔知道下星期要坐校車，情況又點呢？？

BB生涯就快結束，準備開始上學嘅生活
真係有啲唔捨得~ 
不過對學校生活又有另一種嘅期待。。。

妹妹豬上學去。適應班Day 1

真係話都冇咁快，呢頭我仲好似擔心佢有冇offer，

呢頭又話要上適應班喇！

衫褲鞋襪都7788，反正返去玩，
都冇咩其他要準備！

安排好姐姐吩咐好晒婆婆我就照常返工！

到中午爸爸返家湊妹妹，接埋我就返學校

未返學先興奮


妹妹真係好鍾意返學！！

眼見佢著住校服，大個女返學做媽媽嘅又好感動喇！

遲啲又話第一開學。。第一次表演。。畢業。。
雖然好多。。有排感動~
不過我好享受呢啲感動！

一入學校，見到校長，老師，職員。。。
打招呼午安

對我嚟講係一張張熟悉嘅面孔，媽媽都冇咁緊張，
而對妹妹嚟講，因哥哥嘅關係，好多老師都應該唔陌生。
帶妹妹豬同各老師打個招呼，
大家見到我都知道佢係小檬嘅妹妹。

妹妹豬都好乖，每介紹一個老師都會開口叫老師名！

打完招呼之後，就開始自由活動喇~

妹妹豬玩車仔



又玩煮飯仔。。


sir滑梯

跟住就排排隊去廁所。。妹妹豬都好乖，
自己跟住排隊。

未介片嘅妹妹坐咗上廁所仔之後，"扮去we we"
之後洗手....wakaka

跟住就入課室聽故事。

大部分小朋友都乖乖坐好，
不過都有一個半個坐唔定！
始終於啱啱開始，明白嘅。

老師問問題，妹妹已經識舉手想答
不過老師見唔到佢
妹妹豬有啲失望，
我就鼓勵佢下一次老師一定見到叫佢

（回想起小檬N班係唔會識舉手，係到N班下學期先識，
妹妹呢方面就成熟過小檬.....唔比較唔比較！）

好快45mins就上完堂攞貼紙，
同老師講拜拜之後就走！

妹妹豬返完之後仲不停問我幾時再返學添！！！

第一日適應班，表現好好～
妹妹豬叻叻！！   

校服鎖匙扣@姑里手作

多謝Little K 媽咪通知，
等我可以同小檬班同學仔組團整鎖匙扣！

經過一輪混戰
追交相片，相片像數唔夠大，再追，終於齊，
交錢，打表，相片檔案改名，upload相，
同supplier clarify資料，工廠開工，
收到貨，對貨人名數量，分貨，約交貨！

以上過程歷時兩個月！！

終於收到貨！
好得意呀～

如果已經有呢間學校校服喺到，就唔使再比設計費用

越多人一齊訂價錢就越平，
有興趣嘅可以睇睇啦～

姑里手作

妹妹豬上學去。準備中

話咁快就話要準備妹妹豬返學嘅物品

好在都有啲哥哥嘅可以用返~運動校服／運動鞋仔

其他全部要安排

校服裙
上年哥哥同學仔轉校，
留咗比妹妹，好新淨，唔使買
總算不負眾望！

黑鞋仔 Sogo新買

買大咗。。

運動鞋 哥哥物資 
 

白襪仔
 淘。
喺街到見唔到啲靚靚花邊，唯有試吓淘


試著條花邊有太多，於是拆緊條。。  @@

mother care 前排買一送一，於是再買

心心，花花，蝴蝶挑窿pattern

水杯呢。。就仲未有心水。。希望最後一刻會搵到！

毛巾盒
就俾我搵到呢個

要小手試吓擰開攞毛巾


開到喇。開心晒！


毛巾，全部Melody

妹妹豬見到我整啲校服／學校物品都好開心，
好似好期待返學咁

姓名貼，用咗妹妹豬BB嘅相整俾佢。

頭飾
雖然學校冇註明話要綠色，咩顏色都用得，
不過我都想襯返吓校服裙，買咗啲綠色嘅，
因為我之前冇買過啲綠色嘅頭飾！

上個月有時間仲同咗妹妹豬試吓搭小巴，等佢多啲坐小巴經驗添。。

上到車點呀?? 
妹妹豬: 扶實！ 


又教哥哥拖住妹妹豬. 保護吓妹妹 

  

另外都有試吓啲分離測試，妹妹豬返音樂堂未上堂之前，

我就去廁所，叫老師同出面職員幫我望住。。

然後喺出面裝佢，佢都冇事，自己乖乖坐喺到玩。

第二次我真係去廁所，返到去都係乖乖自己玩，冇搵我！！

到後期上音樂堂都已經自己乖乖坐喺到聽老師講故事，算好獨立

冇時間同佢練習分離喇，
不過以呢表現都應該冇問題嘅！   

 今日下午已經返學校上適應堂，雖然唔係正式上堂，
不過我都好緊張。。
希望妹妹表現都好啦～～

探索大自然遊學園 x 動物農莊 2016

好多謝Baby Mo 邀請我哋去
探索大自然遊學園 x 動物農莊 2016

門票（全日任玩證）早上十時至下午八時
成人HK＄80／小童＄140／幼兒＄30（星期五）
成人HK＄90／小童＄160／幼兒＄40（星期六／日）

地點: 亞洲博覽館舉行

今年妹妹豬都大個咗，

有好多遊戲可以一齊玩喇。。Ready go！

小檬同學仔都有一齊去呀。。。媽媽們帶住小朋友，
檬爸就去掃場，攞定飛玩其他攤位
時間真係排得啱啱好呀！

{好玩DIY工作坊} 
{美素佳兒自家有營牛牛工作坊}

一開始先做牛牛。。  

妹妹豬未識，要姐姐幫手。

  
整吓整吓又得咗

其實係媽咪做 =p

  
兩個嘅製成品

  

跟住砌積木

{Mega Blocks大大積木動物園}

積木見屋企都有得砌,

於是叫小朋友做啲特別啲嘅活動~ 餵羊。

姐姐等派草嘅時間我哋就摸吓小白兔先。

{得意動物say hi!} 

妹妹豬都夠膽摸喎

跟住就係小朋友同大人都鍾意嘅餵羊羊

小檬不停柑講話自己餵羊唔驚。。。好似好勁咁。

咁佢又真係唔驚嘅。。不過妹妹豬就唔得喇。。C要攬住我

{好玩充氣遊戲} 親子馬彈彈樂

鏡頭一轉，又到另一個遊戲，吹氣馬馬

雖然要自己搖，不過小朋友都玩得好開心

鏡頭又轉，妹妹豬已經乖乖坐喺到玩巧虎喇！

呢兩個哥哥姐姐，有得玩，幾多歲嘅玩具都啱

跟住呢個好玩喇
  {至型小廚師工作坊}  CP蛋卷

我都係第一次見呢部機。

放啲蛋漿入去之後

等一陣再放條腸

就會自己彈出嚟！

三個小廚師

完成

如果上載FB仲有半打雞蛋攞添！（我冇攞，怕未返到屋企都爛晒！）

整完熱辣辣, 差不多中午時間，順便食埋Lunch

大家都要休息一吓，食吓唞吓

唔知係咪有女同學喺到

小檬真係自己一個食晒碟三文治

兩個食完仲玩到咁。。。

真係好癡纏嘅兩位小朋友呀！

食完繼續佢地嘅遊戲！

{體驗耕種樂} 米之寶插央初體驗


學插央！帶頂草帽扮農夫先

喺排隊睇雀仔期間，妹妹不支倒地，於是姐姐同妹妹休息，

我哋繼續我哋嘅遊戲。。

{巧虎又嚟喇}

兩位小朋友跟住巧虎跳晒舞，

就排隊影相

好在妹妹豬叉完個快電，都可以一齊影！

仲有好多好多野玩~ 

{海洋動物探索之旅}

{趣味轉轉滾輪}

{海邊清道夫}

{開心七彩滑梯}

{刷牙仔}

{playright}

{西瓜波神射手}

{八爪魚歷奇之旅}

剪咗段片比小朋友睇返happy moment！

已經唔積極，都有啲贈品！

大熱天時有冷氣嘆又咁多遊戲，下年一定繼續玩！

探索大自然遊學園 x 動物農莊 2016