綁蝴蝶

新鮮熱辣！

前排見有個同齡嘅女仔都啱啱識咗綁鞋帶，

心諗小檬應該都未識，一來男仔遲熟啲，

二來小檬係啲粗心大意，

沙lee弄匆（低音）嘅嘅人，

連束褲都束到一舊，

一啲入面一啲出面，

食野又亂晒龍，就覺得佢一定未識。

有日見到佢自己try，就慢慢教下佢，

前兩晚就真係識自己綁到蝴蝶結

真係好開心～好感動呀！

雖然唔係好實，不過總算一大進步吖！

妹妹豬成長記錄~3歲2個月喇

生活上嘅一些轉變，令呢到停滯不前。。
心情也需要時間適應，
希望可以繼續。。不定時上映！

打尖！萬七咁多野寫，呢篇一定要打個尖！

<妹妹豬成長記錄>

真係唔好意思，妹妹豬嘅成長由每月變成差不多半年冇寫！

妹妹豬3歲2個月喇

食

一向食得都好嘅妹妹豬繼續keep住（咪講)
飯，餸，湯，生果。豬肉，牛肉，雞肉，魚，菜都食。
最鍾意食魚，咩魚都食，通菜，豆苗，豆腐。。。
大部分食物都食，都有啲話唔食架，不過重點係嘗試完先話唔食！
肯嘗試已經好好

食方面唯一頭痛就係早餐，佢唔係咁鍾意食麵包！

唯有諗啲其他嘅早餐比佢，有時都會照安排食麵包，唔可以太就佢
自己坐喺位就食, 密密食。。見到啲食物會自己主動要求食

食嘅時候都會乾淨過哥哥（唔比較）, 
明明自己食完見到我食又要食。。哥哥食唔晒又會話食埋
為食嘅小朋友真係特別可愛

以前唔鍾意啲食物分開食，要大舊／全部，
而家好啲，不過鍾意嘅最好大舊啲啦

瞓
唔知幾時開始放學返嚟已經唔使nap
有時出街喺車反而會瞓一陣，叫醒佢都OK， 唔會扭計，好好
而家瞓教好癡我，一定要我講故事，講吓東講吓西，
講吓一日回顧！拖住手手就瞓著

自理能力
基本上已經可以做到晒自己要做嘅野，食野，穿外套，
著襪著襪，孭袋。都算係咁，
女仔比心思細密，比較斯文嘅

活動能力
跑跑跳跳已經好叻！ 夠膽自己擒鋼架
大部分時間都係自己行，

有時玩累都會要抱，
平時都算乖自己行
所以呢啲情況當然會抱吓啦

情感發展

冇講佢成半年，呢半年成長得好快，已經唔係BB喇。
完全係一個小朋友，好有自己思想。脾氣好咗（唔好講）
比之前較講道理，算聽話
女仔真係好唔同，好識關心人。我話累會話幫我揼揼，
女仔真係零捨sweet，婆婆你小心行呀，呢到有水會煽架！
我扶住你吖！
我留喺房佢自己出去會好o爹咁話,
媽咪，我出去一陣攞少少野，好快返嚟陪你好冇？？
會攬住我話，加埋甜甜嘅眼神, 我鍾意媽咪。

一日發生嘅事會講得返晒出嚟，一輪咀咁。
唔好話句子，成本書叫佢講返個故事出嚟都仲得！

自己講故事，哥哥喺學校開始要講故事比同學聽，
唔知點解妹妹豬知道，自己又講，真係講得有文有路，
絕對不比哥哥輸蝕

唔知道係咪學咗哥哥，好鬼馬，唔係走玉女路線，
成日整蠱做怪。帶比我哋好多快樂時間！

介片

上年返學前仲未介片嘅妹妹豬，返咗學一個星期左右就介咗片

唔使幾耐未夠三歲嘅時候，係神不知道，鬼不覺嘅情況下介埋夜片！

完全唔使我費心！

 介咗日片之後，臨瞓前去一次廁所之後，就著返片片瞓，

每晚到係乾片起身，兩個月左右，瞓到三更半夜如果要we we會起身，

叫好平靜咁同我哋講，佢要WeWe

（佢哥哥果時戒夜片，夜晚一起身要去廁所就喊到爆燈，鬼晒咁嘈）

有一晚，佢話唔要片片。。。當時我仲驚過佢，怕佢瀨，

又怕自己天寒地凍要起身同佢去廁所，

但突然間又仁慈母上身，個女都咁生性自己肯介夜片，

梗係咩都冇問題啦！

冇著咗片之後都好順利，唔係成日去廁所（可能冬天）

到而家臨瞓前去咗，都唔係先日要起身去，

就算去完，放返落床都即刻瞓著！（勁）

再一次比我感覺女仔係成熟啲嘅

為食事情
有日返屋企停車場落車上樓，突然間大喊漏咗野冇拎，
我以為係啲咩玩具啦。。。
跟住大叫: 我個炒麵呀！
原來佢以為唔記得攞盒炒麵
（食飯食淨咗個上海粗麵，打包比婆婆拎返屋企）
妹妹以為係比佢嘅， 於是落車就大叫！笑C我，
小朋友都係最緊張啲玩具，佢就最緊張自己啲食物！

有日喺九龍站趕住入去廁所，經過藥材舖頭
妹妹話，媽咪我要食芒果，我估佢見到芒果乾，
等是我話好好好，出嚟買。
去完再行過，我喺舖前面搵咗好耐都見唔到芒果乾，
再睇，只見到成間舖前面都係一箱箱花膠!!! 
我就知道佢以為啲花膠係芒果乾！
哈哈哈哈。。笑C我

雖然好忙，冇寫記錄，
但妹妹豬嘅每日成長記錄都一定有我在旁！

9男女5天大阪自駕遊 Day 5 ~ Shopping@難波

好快就到咗最後一日喇

最後一日先同婆婆喺酒店大堂影張相

(係，仲係講緊之前個trip)

呢日好簡單，SHOPPING！ 

終於冇咁緊迫可以影返張自駕遊團友大合照

第一次一家大細坐飛機旅行自駕遊

梗係要影返張相啦!!

有人湊仔，有人搬行李，我就影吓相

我哋揸咗架車落難波，呢日喺最凍嘅一日，

泊好車見到好似落雪咁，真係落雪，同兩位小朋友講，

佢地睇到啲雪飄落嚟，可能周圍環境都唔似落緊雪，

佢地冇咩反應。。。

又一次喺自己想像佢地嘅興奮！

百貨公司未有咁早開門，於是食過早飯先，

咁先有氣力shopping！

我哋又分team，定好集合時間就gogogo！

爸爸同小朋友 又喺玩具部玩

我用咗兩個鐘時間行咗兩個商場，1.5間百貨公司，

當然唔可以間間睇啦！都係啱嘅先睇。

真係眨吓眼又要出發去機場喇

我哋租呢架車已經係七人車，不過係細七人，

其實坐得迫啲，又遺忘咗仲有好多2行李要放，

我同檬爸就最舒適，

兩位小朋友一定要carseat 坐中間，

表舅母照顧佢地（即同佢地玩）表舅父好好，

幫手做bellboy扶住啲行李，佢就最迫！

又係臨走呢程先記得影吓相

好順利準時到達機場同婆婆哋會合 (婆婆同舅父母去咗outlet)

就check in 上飛機！

bye~

女人嘅購買力真係唔講得笑，每經過一間便利店都可以買到野！

(我冇呀！！今次唔係我呀)

上到飛機，兩個都好乖

小檬就沉醉喺卡通影片當中！

飲飲食食就最啱妹妹豬，

留意瞓到豬嘅我

我瞓咗唔知道佢地發生咩事，

爸爸報告返。。妹妹後來都瞓左

最勁就係我完全唔知小檬離開咗座位去we we

記得對上一次小檬落機可能耳仔唔舒服，又眼瞓，

於是臨落機就喊，

今次妹妹就堅守平靜到落機

叻叻

對比之前BB時間喺澳門船都大喊，真係令我好感動!!

為咗鼓勵佢，我應該快啲再去多次

後記:

 記得臨出發時同同事講咗句其實我都冇咩要買。。。

轉眼五日四夜就一床都係

Akachan戰利品

麵包超人館戰利品

婆婆送嘅手鏈

disney store戰利品

sanrio 戰利品

藥妝店戰利品 

牙膏牙刷真係好平

妹妹頭飾戰利品

媽媽戰利品

雜誌袋

Miffy戰利品

櫻花傘 

小擺設

今次戰利品都唔少，鳴謝名單如下

見到啱嘅物品，要決定買定唔買，

價錢係要其中考慮嘅因素

點樣喺電光火石間就可以決定？

唔可以再攞計數機禁禁禁

我就用

<貓紙>

列出大數，每加500yen出一個，對返港幣。

大數就更加一千一千yen咁上

見到大約幾多就決定買定唔買!

如果係9000yen即HK$619.2

HK$620買唔買？

有機會喺in between嘅數，

如果係9200yen即HK$619.2 至 HK$653

HK$630/HK$640左右

買唔買？

當然會同實數爭少少，不過都會決定到

呢張貓紙一出，兩個舅母都拍晒手掌

<扭蛋機/玩具部>

全靠啲扭蛋機小朋友先有啲細藝

亦多謝慷慨解囊嘅舅父同爸爸

仲有啲冇入鏡, hahaha

<湊小檬。妹妹豬嘅舅父舅母們>

呢一幕只係其中一幕，有人分擔一吓，行開行埋都方便啲

<最後要好感激嘅就係檬爸！>

佢又搵路行，又要揸車帶路（雖然錯咗啲）又篇行程，

又願意返酒店照顧小朋友

最大件事嘅就係，我咩都冇買比佢！！！

而佢居然仲買咗隻錶比我！！！！！！ 

佢梗係冇咩睇中過要買

因為佢都唔係鍾意買野嘅人, 

而且佢睇得最多嘅就係玩具！！哈哈

雖然一開始時，呢個trip諗住全部活動都係以小朋友為主，

不過中途加咗舅父們，

唔可以全部都係小朋友活動，

再加埋婆婆，行嘅路都唔可以太多。

原先諗住去多啲郊外，先租車，

驚天氣問題改咗

其實坐火車都得

不過有婆婆都係有車方便過上上落落坐火車。

舅父們都好好，全個行程都冇咩所謂，我哋去邊就邊

 完全爭執過，好感恩!!

所以我哋都加插返啲大人鍾意嘅活動Shopping 

照顧一吓佢地（其實我都要=p）

呢次旅程真係好開心，每日都充滿笑聲

要返工夾時間放假真係好難

有機會同自己屋企人一齊去外地旅行，

真係一件好幸福，好開心嘅事，

大家都好珍惜呢一次旅程!!

希望再有下一次，下一次我一定記得買返樣野比老公 =p

最後送上舅父旅行時拍攝video而剪削輯成的旅遊精華，

多謝舅父！

9男女5天大阪自駕遊 Day 4 ~ 海遊館

(唔知。。會唔會寫到出年旅行？？)

玩完legoland就落樓下food court lunch

小檬已經外判咗出去，我只係照顧妹妹豬

而為食嘅佢，食野係會自己食嘅，於是我又輕鬆啲喇

你睇佢啲麵包超人珠寶首飾

由legoland只係行過隔離就係海遊館

真係行幾步就到

不過呢日大風又落小小雨

團友合照

兩位舅母見到賣家品嘅100yen店就行完先入黎

租咗貯物櫃放好哂啲褸就行

魚缸隧道不能少

好忙啊~好多條魚睇

必有遊客相位

當然冇買

突然有個露天位

妹妹豬好開心

承諾媽咪~ 啜

繼續行。。哇

啲大魚，真係睇到哇哇聲

都有啲細魚仔嘅，雞泡魚仔

大魚真係好大架    

真係一大享受!!

yeah!! 

yeah~yeah~

yeah~yeah~yeah~

企鵝

行多兩行，咁黃昏暗嘅環境吓妹妹豬頂唔住瞓咗

繼續行埋尾段

啲王帝蟹好似怪物！

可以近距離睇吓海豹好得意呀

最後呢到可以接觸海洋生物


魔鬼魚啦。。鯊魚啦。。。等等

初時我都好驚架。
後來都夠膽試吓。
檬爸抱住瞓咗嘅妹妹豬都試一試，不過煽一煽，
以為佢跌落水池，真係嚇C大家！

玩咗一陣妹妹豬就醒，小檬同佢都唔敢掂啲魚！算啦，唔迫得   
睇企鵝就開心

舅母臨走影咗呢兩次張相

wakakka...

bye bye 天寶山

喺隔離個商場買咗啲tea喺車食

跟住又係購物時間！

又即係小朋友嘅玩具時間！
舅父好叻，箝咗啲波波比小檬

媽咪去買野喇！

百貨公司八點關門,跟住食燒肉！ 

爸爸：小心啲呀

日本餐廳好少咁大張檯，我哋唯有分兩張！

哎呀，兩個小朋友都係呢邊

（媽咪想佢地跟舅父哋食，媽媽又可以自由！）

牛肉都係兩位小朋友嘅至愛，都食得好好

食完出去行吓行吓

兩隻豬仔仲咁好精神....

 暴走大阪

待續