Baby G 足月喇 @ 37W5D

今天已經是37W5D 

Baby G已經足月可以隨時出世

唔使驚早產嘅情況出現!

等待的時間好像好慢長，但又好似有好快到….

,  

返埋最後今日就放產假, 好在Baby G 合作，等我放假先出動!!

我都好驚佢喺我仲返緊工嘅時候出動…

人地話

通常第一胎都會遲，但都見過啲比預產期早出世嘅BB

所以真係估佢唔到!

到而家，一啲啲跡象都冇，有啲人話會feel到假宮縮，（即好似M痛咁）

但我都係未感覺到，有時feel 到裡面一吓一吓咁跳，唔知呢啲係唔係呢 ???

不過個肚已經好實好實！

 

上星期在吳醫生做產查時，Baby G 頭仔已經入左2/5盤骨,
問醫生都冇話入左之後，通常幾耐會生，
佢話有啲突然間會轉頭，好快就生, 所以佢都答唔到我!!

而家Babg G 上星期有5.5lbs喇，尋日就5.8lbs

如果到40W，應該有6磅幾，醫生話呢個size幾好，

唔太大唔太細~

而上星期到左健康院覆診驗小便時，驗到尿蛋白！

姑娘叫我即時再抹乾淨分秘先再驗，吓。。。。。點知到有！！

佢叫我第二日留小便再返嚟，要去再做測試。

見醫生時，我問佢點解突然間有，係咩原因引致，

(我之前未有認識呢樣野, 只想知道有咩嘅原因)

佢話你未做Test, 而家答唔到你，我知，但係，只係想知咩原因會咁啫…..

但係第二日到我去吳醫生到再驗時，
又冇喎，吳醫生話可能未乾淨，所以先會咁。
最緊要係我血壓正常，唔會高。
如果係高，就有可以有”妊娠毒血病” 對媽媽同BB都有危險, 所以做媽媽嘅真係好緊張。

好彩今星期返去睇報同仁安check都冇事，安樂哂!

果幾晚真係有啲擔心瞓得唔係咁好~

 

上兩次產檢查都說話BB有條臍帶纏左頸一圈，不過好鬆，

醫生叫唔使擔心，好多BB都會有呢個情況！

不過由於BB已經入左盤骨，

所以好難繞返出嚟喎!

不過尋日再睇又話冇纏喇。。。。。

吓？？？ Baby G 咁叻, 識捐返出嚟？？？？

真係底錫！！唔使我又擔心！！

我嘅情況@ 37W

l   行路慢左，可能BB已經有2/5在盤骨，有啲人話似夾住左個保齡球咁，唔。。。我覺得又未至於咁， 只係好似難合埋啲對腳，尤其係坐喺到果時，所以好似好粗魯～

l   腳腫嘅情況就一時時，有一日，可能行得多，腫到豬締！！！但係夜晚墊返高佢，又好啲

l   手又係繼續有水腫！屈手指到一半已經痛！

l   夜晚瞓時兩邊盤骨都有少少痛，不過夜晚去廁所嘅次數好似少左。

l   下午肚餓感覺少左，可能咁，我同BB增磅嘅情況都好似慢左..

l   鼻。。。仍然大左~

放假喇!!!!!!