Mami 苦水

上星期已經知小檬咳，初頭以為佢比自己啲口水濁到，
冇理佢，到後來又有鼻水，手仔摺位又有啲紅，於是自己帶佢同落樓下睇醫生，
原來真係有啲冷親
（果一刻好唔唔開心，覺得自己好大意）返嚟見到佢食藥真係唔忍心，
佢不停掙扎，一見到拎住針筒已經拎轉晒頭！係咁喊唔肯食 (乜唔係甜嘅咩??)
 啲藥水喺個口到咕嚕咕嚕…..（我記得我細個都係）

爸爸又去左上海，媽媽又有啲唔舒服，放工又要一個照顧檬檬，
但又要開會見客，唔返工唔得，婆婆喺我屋企幫手，返工前婆婆餵完奶，

又叫我拿濕綿花，又呢樣又果樣,
又要餵佢食藥，又要同佢搽藥膏……..

廳個衰冷氣又要喺呢個時候漏水，漏到唔開得，
婆婆又抿僧(我知湊住呀B辛苦所以都搵鐘點幫手，其實都有諗緊搵唔搵姐姐，但又好怕之後仲煩。。。唉) 我settle 佢地出門口喺lift度已經眼濕濕……我已經做到最好架喇。。。可以點喎!?

呢一刻係我最想返左工唔理嘅一刻……. 

終於挨到星期五老公返嚟，見到小檬嘅笑容，

(你睇佢d頭髮~)

到星期六日可以玩耐啲。。。。

媽媽即刻開心返哂！