BB 用品 ~ 5

紙巾 之前唔知喺邊到收到呢包紙巾，雖然只係普通紙 但我好鍾意，放喺換片袋仔啱啱好，超方便，一抽就得！

你知啦，換片時最緊要方便嘛!

行開jusco promto 尿片嘅counter，見到問吓有冇得賣，

佢話only 贈品，好失望！

我係好多地方都未見到，點知上星期比我喺公司附近嘅藥房見到，即買！！

(可能好多地方有我唔知...=p)

開心哂，女人買到好野好易滿足！

吸鼻器

我大肚準備BB用品時，都諗究竟使唔使買吸鼻器，

會唔會有用，結果冇買，要用先算！
到最後上個月小檬有少少鼻涕時買左，不過到最後都冇用到

指甲鉗

我買左圓頭較剪仔，我so far我覺得好用! 我有朋友教我買啲剪鼻毛嘅剪都得，仲平啲，一樣嘅，
雖然只係個名唔同，但係我唔係咁想。。。

所以買左個平平地嘅piegon

細啲時候我喺佢瞓緊果時剪，大左啲，喺佢沖完涼，趁指甲軟啲時，挨係我心口，捉住佢手仔剪，
我覺得佢瞓左好唔就手，但其實應該好啲，因為佢唔會郁。
不過小檬啲算乖，我剪時佢只會小郁吓，會望住我剪，可能佢驚我剪到佢呱。。。

清潔劑

買左呢支用嚟抹吓啲玩具，地墊，high chair，bb車。。。等等。樓上鋪好似平啲

安全用品
仲有買左啲淘寶買嘅安全用品，表哥仔成日自己搣返啲角出嚟(之前我天真冇諗過)
如果係香港買晒兩間屋都幾多錢, 所以我決定買啲平啲嘅淘寶，
而且，如果佢成日破壞嘅話，真係唔掂！
我都驚啲quality唔知好唔好，唯有搵啲有賣外貿嘅，
我相信香港買到嘅啲係我國出品，再睇吓小檬會唔會係破壞王或咬先啦

門鎖, 圓頭剪, 吸鼻器,清潔劑, 防門夾

孭帶

之前冇買，朋友比左一條我，諗住頂住先，但後來發覺都需要有條

                                          旁身，朋友果條係唔知咩牌子，（好薄身嘅布，又唔係果啲印尼巾）超唔好用！

唔會想再用，但由於我地唔係成日用，只係有時要我自己湊B出去時，或去多人地方時先會用，

所以買左唔太貴嘅Aprica，so far都好OK！
如果你成日用，真係可以考慮買啲靚啲，貴買平用，唔使換嚟換去，咩啲喺返!

媽媽首次獨自湊檬中