米餬

要食餬仔，準備哂所有食具之後，最緊要的就梗係睇吓食邊隻牌子啦！

在網上搵左啲資料:

Healthy Times Brown Rice Cereals
有機米餬外國牌子,好多網上方嘅媽媽都揀佢, 但同時好似好難買，唔知道而家會唔會好啲，我喺city super 都搵唔到買找
但有comment話佢開出嚟好稀。。。
雀巢
我一開始都係試左呢隻, 因為有免費試用, 很OK喜歡吃(可能因為甜), 但太甜對BB不是太好

享氏(heniz)

外國牌子,06年時話有基因改做成份, 唔會試啦!

明治, Beanstalk和光堂米糊:

日本牌子, 唔。。。。受輻射問題影響，都唔會試，餅餅一塊半塊就話嗟（咩理論?! ）

Holle

有機米餬, 外國牌子,公司附近嘅有機鋪有呢隻賣(佢話呢隻多人買過healthy times 喎。。。佢梗係咁講架。。。）
朋友Daisy媽媽知我諗緊食邊隻，佢推薦呢隻應該係最好喎...但又好似唔係咁多人講

本來諗住買盒大家都推薦嘅healthy times

，不過去到TST大型超級市場都冇貨，

可能比強國人買哂？！好多其他P超級市場都冇貨。。。。

諗吓諗吓，可能多人講先多人買，其實Holle都好似幾好，Daisy媽媽都介紹呢隻,跟佢實冇衰~又方便第時買, 於是我就幫小檬揀左呢隻米餬

Holle $55

由於一開始只係比小小佢食，但我都跟左指示沖，因為想知跟佢指示嘅稀杰係點
只要用飲緊嘅奶加入米粉就得，

第一次我比佢食一匙羹，見佢poo poo冇問題，又冇唔舒服，
之後第二日就食兩匙羹，續漸加上去, 不過都停左好幾日，到今個星期先勤力返，呢兩日就比佢餐及餐之間食,一日食兩餐先，我用左40ml嘅奶加一TSP嘅米粉，就有一細碗仔，佢都有食哂!!之後再加多啲啲

Holle 我試過冇咁甜，稀杰啱啱好

咦？新口味

唔。。。好味喎


懶醒，要自己拎住。。。

初時以為餵佢都冇咩難度，不過只限於乖乖坐定唔郁嘅B，但BB又點會唔攪攪震吖。。。

 一路餵，佢都肯擘大個咀仔，一羹一羹食，
之後就會兩頭擰，準備放入口嘅餬仔，就會hide左去塊面到，

跟住佢又會將隻手放左入隻碗仔到。。又會將隻手放入口到

再嚟就係伸條舌lam塊圍裙仔，high到周圍都係！

仲要揸實隻碗，佢隻手郁吓郁吓我差啲倒哂。。

所以一定要準備定條濕毛巾，幫佢抹

好似打仗咁