小檬檬8個月喇!!

@26/09/2012.

小檬檬8個月喇!!

回顧時間

樣貌

呢排瘦左，唔知係咪扯高左呢？婆婆話佢高左，反而我又冇咩留意。。

後面個窿位生返啲頭髮喇，可能因為而家佢鍾意打則瞓啦。

左邊嘅雙眼皮明顯左，不過都只限於眼瞓嘅時候見到

皮膚OK喎（咪講!!）之前頸位有少少粒粒，

而家冇哂，可能新牌子嘅product 真係夾到佢。
而家笑鍾意翁起塊面黎笑
社交技巧

出街搭lift會撩人，係咁er er, 有時會叫"hey"....人笑佢又笑，人唔笑佢都笑。

同佢玩give me five ~ yeah 就好開心，

叫好野就唔係咁得，但有時佢開心叫又冇野。
開始認人，太多陌生人要見都媽媽爸爸或者婆婆先得

肌能活動

已經識反身，爬，坐, 自己扶住起身, 企到好耐。
冇扶住自己企到10秒8秒
唔使兩吓已經自己扶住企左起身

仲想用腳仔自己爬上sofa （見到remote）

我教佢按lift制，佢識跟住我申手指出嚟，但就未知道點按落去。

食

食粥仔多。餐與餐之間食
見我地食野放埋佢咀邊都會擘大個口
都有試左好多食物，生果最鍾意日本白桃，蘋果

奶之前食開思敏兒，之後又轉左牛欄，

但又覺得好似好甜。。。諗緊再轉。。。
瞓
喺地吓玩玩吓眼瞓會爬過嚟揾我
沖完涼食完奶，玩一陣十點幾瞓到第朝八點幾，
同我地返工起身咁上下時間， 等我地有教好瞓，乖仔！（唔怪之媽媽越來越肥啦）
有時第朝, 佢起身早過我地，佢已經自己扶住企喺到，之後"hey"一聲，
好似叫醒我地咁
不過有時唔可以好似之前自己瞓喺床仔到拍拍吓瞓，
要撲喺我膊頭到唱一陣歌曲仔先瞓。
明明好眼瞓，但是心野，仲好想演玩，唔肯瞓，
迫佢瞓就發脾氣喊，越大越爛玩！
爸爸氹佢瞓唔係咁得，要我先得
有兩晚我實在累到C，拍緊佢自己都差不多瞓著
（環境又暗，又靜，比我兩秒已經瞓著）
但佢仲係不停咁喺張床爬高,扶住床欄

沖涼
自從用左bumbo chair 沖佢唔驚花灑之後，扶住佢又企到，
我地都冇用過盤沖，有時連bumbo chair 都唔用，企喺到沖。
佢又唔驚啲水，我試過少少滴落佢頭到再去左面仔眼仔都唔驚，
仲喺到dump水玩
婆婆成日話七個月人仔就用花灑沖。。。

便便
日日都有

有日佢坐喺到打則身，因為而家便便有一粒粒，

坐住屙唔到，咪打則身，笑C婆婆

 重量高度

問過醫生，原來係重量under growth line。。吓，佢都唔係太瘦吖，點解會咁呢?

健康

其他感謝都ok!

小檬叻叻, 媽媽錫錫~