小檬13M喇!!!

小檬13M喇!!!

好耐都冇update 小檬嘅各樣情況喇!!

1歲1個月嘅小檬而家識啲咩？

佢自己識講：媽媽，爸爸，奶奶，mum mum，
波波，貓貓，汪汪，
卜（book），po（apple），bear bear, 
bye, ra bit (rabbit)但只係跟住講, 婆(po), pat pat,＜== 基本上，

我地好多時對住佢講嘅說話佢都會跟住講！
不過好多音都唔係咁準，不過都知佢係跟緊我地講
前一兩日叫佢叫我，就會叫爸爸，佢自己叫我就叫媽媽。。。

比佢激C
之前一開始都叫得啱，識咗爸爸就我都變成爸爸 
但呢兩日我教佢叫mami，分散吓佢，又得喎，叫返我做mami或者媽媽喇 !

聽指令: 踢波波，比(佢好大方），拎野比我，除襪襪, 行慢啲，攬住，
錫錫，拜拜，請請，恭喜發財，
點蟲蟲，give me five，wash your hand, 
raise up your hand,
飛吻(唔知點解而家會飛咗去耳仔到) 
暈低, 僕僕瞓，落sofa，
放野入袋著鞋
（我幫佢著好之後，叫佢貼魔術貼）

邊到睇電視??佢就會返sofa 拍拍sofa,
 (有時佢行到好前，我教佢要返sofa 位置睇

問佢邊到沖涼??佢會帶我去房，拍拍我地張床，
因為我地喺果到除衫包毛巾

問佢邊到bear bear, apple, 結婚,tv buddy,會指住
唔攪/唔可以: 佢會晒手
tidy up會執玩具入面箱
媽媽要瞓教，佢就會拍拍我瞓
出lift佢認得, 識返自己行返屋企

行得都穩陣，快，成日要我捉牛, 
 成日要叫佢行慢啲!

皮膚，都喺面仔乾啲，其他touchwood 都OK

健康：都OK（咪講），不過都係細粒B，唔緊要喇，健康就最緊要！
食：早上。茶點。晚上一餐奶，中午同晚餐食飯仔或者粉粉，
基本上每餐都有肉仔或者魚,有瓜仔或者菜。有生果。
茶點有時會食吓粉粉,糊仔,麥包,白方包

健康院叫一歲後可以介夜晚餐奶 ，
但我想遲少少先。。好似未聽過咁快介夜晚餐奶
睡覺： 都係瞓自己床，佢冇扭同我地瞓，
大部分時間都係我唱吓歌仔，碼砂滋一吓, 我就喺床邊摺衫, 
佢就自己瞓,不過都要少少時間，三四個字，
如果想嚟過快嘅，就瞓喺我身邊掃吓背脊，按吓頭仔，
好快瞓著。不過有時爛玩，會自己爬起身玩，見到我就即刻笑住瞓返低。。。

poo poo: 有時一日兩次，三次到四次都試過，不過唔多。
喺屋企通常poopoo之後就會要佢"趴埋牆"
玩住牆上嘅玩具, 洗patpat, 乾淨啲!!

佢學野好快，一歲之後學習能力更加快咗，
有日舅父話咁熱，叫婆婆同佢除咗對襪啦，
佢就自己坐低喺到除，我地都冇教過佢!
BB嘅自學能力真係好強！

加油呀小檬，媽媽錫哂你！