BB 用品 ~ 2

bb用品嘅用家意見, 都係果句: 其實唔同人要求會唔同 我都講吓自己嘅少少意見。 
抱歉有少少無定向風，想起便講

毛巾大:一條包住洗頭，一條抹身(呢條我買左貴啲索水嘅，等快啲抹乾bb，唔使用凍親)

細:一條沖涼，一條抹頭。

 

仲有啲墊吓頭仔

準備啲後備，以防唔乾或亞B整污jo左，
我用左自己喺屋企果啲後備毛巾就算，冇特別買!

沖涼盤

我買左大啲嘅，可以沖耐啲
（但見過有人話到時bb識企就可以唔使用盤，唔知係咪呢？）
我初頭都唔知點放好，咁阻訂~ 但我大肚時婆婆就幫我咁掛住，又幾好，
雖然唔係咁整齊，不過呢啲已經唔可以要求咁多，又唔係幾千尺！

沖涼架

初生時婆婆唔鍾意用，但而家都係返左我地屋企先沖涼，我地都OK鍾意用，
可以long住BB patpat，佢都舒服啲~ 而家仲識用手仔揸住條柄!

頭枕仔

實用度: 1/2

初生時坐Car seat 嘅小檬都有用，呢個都係出左世之後先買，
之前冇諗過買，但之後出街坐car seat 時發覺個頭仔兩邊搖吓搖吓，
驚青嘅媽媽見到可以hold 住BB頭仔穩定啲，
又可以放係BB車／high chair 用，於是就買左。
不過而家大左，已經唔係好使用。
所以淨係用得一段時間，買唔買就見仁見智！

Seat Belt 套

實用度: 

唔只係裝飾，有個套隔住，條帶冇咁容易界到條頸

套上有鴨仔，揸落去有啲BB鍾意嘅啪啪聲，我買時已經冇咩款揀，買左黃色小雞。

 

 床邊玩具實用度: 1/2

有左BB之後，話一定要買！可能睇得電視多，見到準媽媽企喺BB床邊，有個轉轉轉，覺得好溫馨!!

搵左好多地方果啲都好普通，唔係咁靚，仲要五六百蚊, 真係過唔到自己
（我有時就係咁麻煩。。。自己搵自己笨！）

遲遲都未買，咁啱公司附近商場嘅小舖，有呢個pooh pooh 又平！＄3xx ！ 即買！

買呢個主要係因為平靚正！

初生小檬瞓返床仔時都冇咩用過，開比佢都好似冇咩反應，
心諗呢樣玩具都只係滿足自己架喇…點知而家有次佢扭計（2個月-3個月到）我放佢喺床開住音樂又開住轉轉, 佢好開心，
眼仔跟住啲公仔轉，手舞足動，仲eerr，唱歌仔!
而家有時食完奶，同佢玩一陣，放佢喺床仔，開住轉轉，佢都好快瞓著!
其實聽過有人話驚BB向上望會令BB豆雞眼，但我諗唔會嘅。。。又唔係成日望
持續...