和婆婆玩 ~ 檬檬

檬檬係我家及爸爸家的第一個孫，
當然個個都錫到佢燶！！

講吓婆婆~
我媽咪係超級照顧我地無微不至嘅媽咪，會買定早餐，買定麵包驚我地肚餓做消夜,
生果切橙切埋一舊舊，比我地用叉叉, 買定汽水比我老公飲,可能好多媽媽都係咁，
好在我都唔會因為咁變左港女
到而家對我同呀哥，老公。。牛高馬大嘅大人都仲當細佬，
可想而之，佢會幾錫BB~

婆婆真係好錫檬檬，由小小小B時候，一喊已經十分緊張，
一肚餓就手忙腳亂驚飢親佢，而家喺婆婆屋企
小檬瞓左，佢行步路都唔敢咁大聲，又唔敢行開，坐喺佢床仔則邊瞌著，
食飯都坐喺佢旁邊.....
唉，有時仲緊張過我，我更加放心婆婆湊，
雖然婆婆有時明明開150ml 佢開左180ml，(婆婆有老花，貪快冇戴眼鏡)
不過小事啫, 我已經非常滿意
(如果我咁都唔滿意，我諗我更加唔會比姐姐湊)

尋晚返到屋企，婆婆居然幫檬檬設計新髮型～雞冠頭喎！
哈哈，婆婆同我一樣咁鬼馬

你睇佢仲一面無知~

小檬檬好鍾意婆婆同佢玩，成日笑到卡卡聲。。。
有時我都未必引到佢笑得咁開心。。。
（又呷醋，好自然。。。不過我都同自己講，呢個只係開始，
第日可能仲多咁嘅情形, 不過只要檬檬開心就得, 我又試思覺失調喇~）