小檬16個月喇!!

小檬16個月喇!!

呢個月食野方面有啲改變，自從佢唔係咁食淡口野之後，我反而豁出去，
都接受到佢食啲啲調味嘅野。只要唔太濃味，清淡菜式佢肯食就得。
個面仔好似肥咗啲，不過婆婆話佢長計唔長肉喎。

學習方面：識多咗野，入去呀，放低呀，搵呀。。好多好多，
我覺得好似已經明哂好多野，同我有計傾咁

最好笑就係而家婆婆收衫會叫小檬兩件件咁搬入面房，佢都好乖，
拎完又拿拿聲去返婆婆到再拎過，笑C婆婆!!
有時我會叫佢幫我拋垃圾，
又會叫佢拎拖鞋，
佢知出街仲會拎鞋比我
大個仔做到野喇

活動能力兩隻腳識得彈吓彈吓，
不過未跳，識自己轉圈, 轉到頭暈暈咁

認物：已經學到好多，最叻係今朝我問佢吸塵機喺邊，
佢就去搵，但係我冇教過佢架
我諗係我吸塵時會同佢講，咁佢就知道呢樣野係吸塵機。

wewepoopoo方面，每晚沖涼之前就除片問佢點vv，
只係有兩三次成功，距離成功真係仲有一大大大大步！

每次去到我公司附近就會同我講bye bye，佢已經認得條道。。
問佢醫生喺邊到同佢打針，佢會指住大脾
有音樂，自己會搖吓搖吓，隻手會郁郁吓跳舞。。。
叫佢唱歌，會唱bye bye song！
一時間不能盡錄...

健康都OK（咪講）喺上星期啲蚊蚊咬到，其他冇咩！

繼續做個開心B啦!!