小檬19個月喇！

@26。08。2013

小檬19個月喇！

自行如廁
毫無進展！！！！
最叻就係poo完會同我地講Poo Poo joh （咗）
佢都會喺poo poo之前通知，但有時太"民"水，根本比唔切個potty佢。

自行進食
最叻就係吉吉
提子，橙，蘋果呀自己可以桔晒成兜，
如果想幫吓佢手，佢就會撥開你隻手。。。
如果你幫佢拎住，佢仲拍拍張檯或者地下，叫你放低比佢自己桔！！

自己食飯都係如果自己畢就天一半地一半。
好咀刁，唔鍾意食嘅就即刻lur返出嚟，好煩，
已經唔係啲咩特別食物，可能只係雞肉／牛肉，但又唔代表佢唔食雞／牛，可能
只係唔鍾意果隻味，第種煮法可能有得。
總之就好麻煩！

脾氣
呢個星期試過兩次爆喊，係playhouse佢要不停咁玩果兩個捐山窿，
爸爸好累，同佢玩第二個就唔得，發哂脾氣咁喊哂要玩。

第二次，契仔女切蛋糕之際，佢又突然爆喊，原來佢要玩蛋糕上面果塊happy birthday牌！！
初頭都唔知佢扭咩，之後估吓估吓先知。。。
對佢嚟講，玩真係大過天
而家已經有難攪嘅時候，到trouble two 嘅時候都唔知點算！

講野就叻，已經識講自己個名，同埋爸爸個名，
尋晚搭的士返屋企，同司機講屋苑名，佢已經跟住講，已經識屋企喺邊。
而家又有啲性格，叫佢叫人有時唔會即刻叫，
會遲啲，有時又唔比人抱，
不過大部分時間佢都算好聽我嘅指令

喺屋企有時要黐住我，(有時又唔使)行一步都要攬住我隻腳，
好在我返工又唔會，
架車一到我公司附近轉灣已經同定我講拜拜，
唔會扭要跟

屋企人已經認得哂睇相會叫
而家仲認得埋我啲朋友
球球叔叔／Pri EE／妹妹姐姐／wayne wayne哥哥／jojo 姐姐／朱婆婆，中點萍E，
睇相會認得，自己會叫佢地

跑，而家已經可以跑，都好快吓，我都要追住佢先得。

小檬要乖乖呀！