終於下水了!

個個星期都陰天或者落雨，
終於等到今個星期日有陽光及有時間去玩水喇！！！

摷到呢件uncle RB比嘅救生衣，唔知道有冇用呢。

試吓先，啱啱好，拎埋落去先算

先嚟一個happy face
Jessie EE送嘅蟲蟲鞋仲啱著，佢著住係咁叫蟲蟲。。。蟲蟲

游水碌。

買咗件一件頭泳衣，好似可愛啲
比爸爸笑我係胡楓

（有後生同事問點解係胡楓，因為啲粵語片年代，
呀胡楓謝賢就係著呢啲一件頭嘅泳衣）

喺會所入面已經急不及待要坐船船

天氣真係好到不得了！
藍天白雲, 會所嘅泳池又真係好靚。。。

影完呢幾張就收手，話唔影得喇。。（上年完全冇人理）

小檬初頭喺泳池邊行落去都冇問題，玩咗一陣抱佢上隻船就出事！
爆喊！
可能因為隻腳唔到地，唉。。。都唔知道點解佢咁細膽。。。

完全唔肯坐！喺咁攬住爸爸同舅父～

之後好用隔離個姐姐借咗兩隻duck duck 佢玩，先冇事，
不過全程都係喺邊到坐，連坐落一隔都唔肯～
果件救生衣掂都冇掂過（好在唔使買嘅）

而家洗頭都仲係唔肯，仔呀仔，你幾時先唔驚水呀？？

瞓咗個人晏教之後，夜晚我地就湊咗佢返婆婆屋企一吓，
我地就同舅父地睇戲，好耐冇睇戲喇。。應該有兩年喇，
我地好少話叫婆婆湊住去咗睇戲。

三級片，好多操口，有色情情節，不過好好笑。