繼...
第二朝，換好衫，
舅父去買啲早餐比我地食完就上車直接返婆婆鄉下。
we are ready~
而家有高速，車程大約一個鐘就到，
記得細個坐車加塞車起碼兩三個鐘。
雖然小檬太婆太公係香港人（即係我婆婆公公），
但係有時都返咗鄉下住，
所以我同舅父細細個就陪婆婆返鄉下探佢地，
長假期同埋我表哥表姐地仲住多幾日，
所以返到嚟都好多童年回憶
好快就到，呢到就係婆婆家鄉吓屋企喇
好快上咗二樓睇吓，由於平時冇人住，
所以啲sofa都好多灰塵，今次唔會stay，都唔會抹
二樓露台
表舅公幫手掛好寸炮丈
好長呀寸炮丈
好有歷史嘅門
燒柴或者禾
我細個最鍾意玩！
估唔到而家有呢d設施比d老人家用
好靚嘅磚牆
氣溫唔係話好凍，不過好大風！
細細個每次返鄉下都影相嘅例位，
估唔到而家帶埋自己兩個仔女返嚟再影
冇咩玩，唯有上上落落
有時影相超合作
婆婆的兩位乖孫
影張合照係好難嘅
終於見得吓人
婆婆拜完祖先, ,準備燒炮丈喇
影完呢張相我地已經行到好遠好遠
燒炮丈喇
小檬聽到居然都嚇到喊，
妹妹豬見到咁又喊！
攪掂哂就出村口"旺閣飲"，
飲
大陸飲成枱都喺餸，好似有12碟
平時喺香港都食得麻煩的小檬，
返到嚟實食唔慣，唯有食住麵包同杯麵先，
妹妹豬就叫咗姨婆煲定粥，
妹妹豬就叫咗姨婆煲定粥，
不過啲粥太稀，攪到佢唔飽！
同第一日喺廣州一樣，好多親戚都未見過啲小朋友，
所以成日撩佢地玩，不過妹妹豬唔係好飽，
所以超級扭我抱，
邊個都唔抱得，
我諗我淨係食左兩三樣就冇食
食完飯之後就走喇，架車停喺門口，
一上車就直接返到屋企樓下，真係超方便！
搭車時可能唔係好夠飽嘅妹妹豬就有啲扭計，
已經比啲餅餅佢，不過都係止唔到咳！
第時都唔知點帶佢出去威！
終於完成我地兩日一夜嘅大陸之旅！
後感：
雖然而家大陸先進咗好多，不過始終係大陸，
太多唔好麻煩嘅新聞出現
如果唔係直接有車返上去又有舅父婆婆一齊，
要拎野過關，
我都未必會咁快帶佢地返去。
上到去好多親戚照顧我地，都冇咩問題。
而去到啲地方，我都好緊張佢地嘅行蹤，
唔會假手於其他親戚，一定係我地幾個睇住佢地！
老公話我太緊張，當然啦，我對寶貝喎!
下一次，希望可以挑戰吓長隆動物園!
沒有留言:
張貼留言