Baby G 孕記 {back issue 01.06 驚恐}

01.06 @ 5W2D

 這邊廂有了Baby G 的興奮仍未減滅，那邊廂又給我很大的驚嚇。。。

星期一開完會,今天星期三亦要繼續開,個客話9點嚟到,咁我更加要喺9點前到!時間緊迫,

只係食咗一隻蛋,唔敢飲奶,因為驚肚痾!

 我2 個assistant 已經可以做哂所有粗重野, 我就決定咩都唔郁!

但都驁自己成尊佛咁坐喺度,比人有意見,所以都會扮吓嘢!!

(平時嘅我,好積極架!為咗小B,成個人變哂!!) 

開會開到十一點幾,好肚餓,咕咕聲.....有機會出去攞野,

拿拿林去reception度攞餅食,食咗兩塊之後,飲啖水就去埋厠所 

點知去完後,

見到有血絲............

真係腦裡一片空白!!!!!!

之前都都睇過人地啲post話流啡／流血絲，都知道好似好多人都係咁，

但到左自己就真係成個人呆咗......

唔知點好! 眼泛淚光....

房入面有德國客,呀姐,兩個assistant,仲有大舊德國boss，

點算？ 我應該同佢地講？

其中一個大隻仔assistant 已經知道，因為我要佢知道我唔係懶，

唔想做粗重野,而係有苦衷!

 果一刻，都係同呀姐講，要去睇醫生!

 入到房，好彩大家唔係靜靜咁坐係到，各有各忙亂。。。

我本來都好冷靜，但呀姐一看見到我嘅樣就sense到我有事，

就問我咩事，講講吓佢...佢拉左我出門口，

我一個字一個人字講，講話我有左，

但啱啱去完見到有血絲, 所以要立刻去睇醫生。。。

講到呢度我已經喊哂！ 

 佢叫我快啲去睇醫生啦，仲問我使唔使搵老工陪，我說話唔使！

因老公仲係大陸食完中午飯先返落嚟, 我冇話佢知，

佢呢一刻知，只會令佢擔心同其實佢都幫唔到。

 我即刻上返去自己個位拎袋，記得自己應該唔夠錢睇醫生，

行過去同事R同佢講： 比＄500 我吖!!

同事R完全唔知發生咩事, 見我喊哂，即刻比五舊水我，

跟住呀大舊boss 知我有事，跟住我上叮嚟，囑R 同我落去撘車...

 我地等lift嘅時候，個心跳到好似就嚟跳左出嚟咁，

我好冷靜同R講我流血絲，但其實我一啲都唔冷靜!!!

雖然佢係男人，相信佢都好明我嘅心情，

我不停咁叫自己冷靜冷靜，但係都係冇用，

我感覺到自己嘅驚已經走勻全身

 我唔知應該去邊到睇醫生，家庭醫生？ 婦產科醫生??

 我首先打比家庭醫生問，但係佢做緊野。。。

 其實我已經book 左嘅旺角中心嘅婦產科醫生下兩星期做第一次檢查,

我打去話我有咁嘅情況，可唔可以而家嚟睇？姑娘話今日full哂！

 吓，咁我而家算唔算urgent ？可唔可以睇先？？唔可以。。。

(可能我嘅case只係小巫見大巫...)

 我個心已經亂到七彩，而家仲要唔知點算。。。

 有的士，上左之後決定先去旺角中心, 唔理好定唔好，

我只要一個婦產科嘅醫生就得,果到咁多, 我唔信冇一個有得睇!

同一時間，我打比哥哥女友J，她爸爸在那裡當中醫針炙師,她是姑娘仔, 

問她有冇相熟睇開即刻有得睇...

 好彩，有！ 我就定d！

 入到去,姑娘問我有冇好急，如果冇，便要飲水，

因膀胱漲先可以照到子宮!

終於上床照肚，其實我只係5W，聽人講太細照唔到可能要照下面，

不過我照到,醫生照到一個好似豆咁細嘅胎囊!

第一次產檢, 醫生結論:

1.我係懷孕

2.胎囊在子宮入面 (不是官外孕)

3.胎囊有胎水

 由於我着床嘅時間應該過左，所以應該唔係着床時嘅血,

(但後來又有醫生話可能係..)

如果有出血,即有輕微作小產...要在家休息一星期安胎!

 我有問醫生呢個情況係咪好正常，醫生話唔可以話係正常，

只可以話好常見!

這星期便在家好好休息!

老公傍晚回到家中才跟他說, 他當然問點解唔早d話比佢知.

一個人驚,好過兩個人驚!! 講返出嚟我又喊多次....但我又要叫自己冷靜,唔好嚇親小B!

老公都好緊張,叫我要輕鬆面對,好好休息!

 呢個係小B比我的第一個考驗, 我一定要通過!

Free Hit Counter