Oscar Test @12W1D (with Baby G相)

19/07@12W1D

預約了翹康的冼醫生做Oscar Test, 這個Test BB在11w-13w6d 便要做!

Test主要根據媽媽的年齡，懷孕週數，BB後頸皮的厚度及媽媽血液測試的結果，

醫生便能計算BB有唐氏綜合症的機會率。

 (因唐氏BB頸皮較厚) 結果分析後有高危及低危，如果高危，

便要考慮進一步的檢查!!

已約好5：30到診所，去到已經人山人海, 登記後姑娘說還有10個才到我。。。

我聽後即看看老公的反應，（因為他是耐性之鬼）她說我們可以行行街才回來，

一個鐘也差不多。但我們已經由中午放工吃飯行街到現在，已經不想再行，

於是便地在那裡等! 還有,原來結果唔可以即日知道，因要等血的報告!

等了差不多兩個鐘，終於到我了，之前的少少緊張也忘記了。

上到床，等醫生（等了2分鐘） 跟住醫生便照我肚皮找bb, 找了一會便見到，

小B今日好似靜左啲，無郁手郁腳, 但當醫生找他的頸位置時，

他好似一隻蝦咁彈一彈!! 小B今日好乖乖，好錫MaMi, 醫生一度便度到他頸位！！

因為聽有啲唔啱位的話,護士或醫生就會用力按肚，推bb， 等佢轉身，

再唔得就要出去行個圈，再返去,再推！

有啲手勢唔好嘅仲推到痛架!! (驚驚~) 真係可整好耐~

好彩我度完都唔使兩分鐘，醫生便說：OK架喇!! 

數字係1.39, 我記得睇過其他人都差不多，數字應該OK，

但我當然問吓醫生，個結果係點，醫生說：OK 架!

咁即係點？?? 個test 做完OK吖，定係個數字OK呢？

雖然我知道就算呢個數字OK，

真正的結果都要睇埋驗血的數據才知道最後結果，

但我係心急嘛~~

醫生呢個時候同我抽血，我又不嫌其煩咁再問醫生，

咁BB的頸皮算唔算厚？醫生笑笑口同我講，我都知你緊張，

但係我答左你第四次，OK呀~~ 唔厚呀 ~~(有四次咩?)

真係成個人放心哂!!

網上有些人評價這醫生，雖然佢咁答我，但我都覺得佢OK，

其實人地都講左結果唔會立即有，我問佢肯答都已經好好! 

有啲人照Oscar時會問埋BB 性別，但我冇刻意要求其實醫生都未必會幫你照，

不過知道你要求，佢都會幫你照埋，

但我下星期都會再做產檢, 到時再問啦。。。

度頸皮位,乖乖躺著!讚讚

baby G 跳break dance？

21.07@12W3D

今日收到姑娘的電話，說我的Oscar Test 結果出左，係低風險!!!!!!

真係好開心呀！！

 數字係1:4535

呢個數字已經算係好好!!

感恩！！

附上今天快樂的我