B be孕記@30.09

終於等到30/09見B be喇！

下晝去，爸爸同我帶埋小檬。去到得一個等緊，人少嘅情況同小檬果時真係爭好遠，其實小檬係兔B尾，都係咁啱撞正龍B潮，果時就話爭床位爭奶粉,而家又話要爭讀書！不過係命運嘅就改不了～ 

好快到我地，今次婆婆都有一齊去，好快搵到B be喇！見到佢揮手添。五隻手指都好清楚，相信婆婆都會覺得好新鮮，佢果時咩都冇得睇嘅年代，科技真係令我地有更好嘅生活！（好似賣緊廣告） 

小檬今次已經自己主動指住B be，佢手仔腳仔不停咁郁，B be嘅size都合格，我都安心啲，因我好似唔係食到好多野。 

醫生叔叔問小檬想要妹妹定弟弟呀。。小檬話哥哥。吳醫生話唔會生返個哥哥出嚟果喎。。哈 

吳醫生上次8W檢查好似得已經話估係妹妹定弟弟，我話有冇咁勁呀。。佢話你當我流架？

就睇吓你有冇咁準 

oscar就交叉咗腳，今次吳醫生再睇多次都係同一答案。 

我就覺得到照結構先會最準確！  

又要期望下次同B be嘅見面喇！

同大家打過招呼先！