Gen Mami 2013 Birthday

星期六生日前夕,小檬爸爸為我安排了一個BBQ生日會。

今次只係book得一個爐，所以只叫了最親的來（亦是他安排的）

我只在當天才知有甚麼人到。

差不多一年沒有BBQ喇。。 

臨落去小檬要我地推埋單車去,

見好耐冇同佢玩，就推佢落去！ 

一坐落去就知道佢高咗。。因為佢隻腳已經到前面腳踏板果到。 (好廢話) 

初頭今次我同佢好似孤獨老人咁兩個坐喺張長凳到，佢地就起爐，準備。。。

後來，我醒起自己好醒攞埋條totseat落嚟，

哈哈，佢又好乖咁坐喺到 ,終於可以坐近d大家喇！

大家開始有收成喇。。。我地當然係坐享其成

食吓麵包

又食吓粟米

飲蘋果汁

其間都有同佢出去行吓推吓單車。

4個鐘頭佢都算好乖！ 

之後就上去切蛋糕喇。。。。！！ 

老公每年都好有心思訂個靚靚蛋糕比我！ 

多謝老公！

呢個朱古力波唔捨得切開~

抱住小檬同老公一齊切蛋糕真係好開心！！ 

仲有我嘅契仔女！ 

之後就吹蠟燭～小檬都有幫手吹，同佢講好似吹bubble 咁

其他朋友太混亂唔記得影大合照

好嗲嘅小檬

好鍾意攬住哥哥

圍住契仔女玩，玩得好開心！

可以分享~就算比佢哋玩都冇問題

見到佢開心，就係我最好嘅生日禮物！