更正為"倒退日"

查面原因尋日應該係夜晚咳醒，瞓得唔好

。眼瞓。

其實啱啱轉天氣有少少鼻水，有少少咳，

不過一兩聲，諗住能唔睇就唔睇啦。

尋日放學，又變返之前嘅小檬，據婆婆講落學車已經好開心。

我就放心哂，不過有鼻水同咳，

於是我就叫婆婆同小檬睇吓醫生

因為星期六仲要出席舅父嘅婚禮。

冇返婆婆屋企個肥仔醫生睇，試吓屋企對面嘅醫生。

婆婆話醫生睇完佢啲咳鼻水之後，

就係咁睇佢喇（女醫生，40多歲）

叫咩名呀，幾多歲呀。。又走嚟抱起佢喎。。。

玩咗成15分鐘先走（後面應該冇人呱）

小檬當然施展渾身解數，氹到醫生暈哂～

娛樂咗醫生同姑娘咁耐, 我有理由要求下次係醫生比返錢我地

返到屋企一睇。。醫生應該好想佢快啲好返！

所以我真係好怕小朋友睇醫生，

見到咁多藥，又唔會想比佢食，

但唔食睇嚟又做咩？ 

好在而家小檬食藥好叻，

吖大口，用針筒一唧，佢一啜，

就食哂，雖然面露不悅，不過都會照食！

比起有一排要夾住佢喊哂食而家真係要比個十個讚！

今朝以為會食咗藥眼瞓唔肯起身，

點知我都未起佢就已經走入嚟叫我起身喇。

好合作地換咗學服食早餐添，

佢自己都有同婆婆講返尋日返學扭計唔肯上學車，

我就同佢講返一輪道理，之後佢就話會乖乖上校車！

有圖有真相！

victory

bye~ 

No 1 

(留意媽咪隻讚佢嘅no 1 手指公係未放過落嚟嘅！)

好在唔係倒退期，只係倒退日