晚宴 ＠舅父婚禮

同啲兄弟姊妹喺酒樓食完晏之後，其實小檬都唔肯瞓，已經三點幾，

如果佢唔瞓唔知今晚頂到幾耐，最重要係佢要做花仔行入場。。

我好驚佢失控~ 

如果可以，我想選擇扑暈佢，好在算佢醒目，

係酒樓返屋企短短車程已經瞓咗，返到去都比佢繼續瞓，

B be喺屋企都食哂粥仔瞓一陣，
大家都休息咗差不多兩鐘就再出發去酒店，

我先去補妝，出嚟先啱啱五點幾，叫老公同小檬買啲麥記返嚟食，

如果唔係一陣小檬冇野食，今日預咗食得麻麻。

snap shot photog 咩都未有得影，於是幫我地影咗幾張。

不過小檬唔係好合作，又係企唔定，要去玩。

算啦，小朋友係咁，我都冇勉強佢。

雖然身為主人家，不過由於哥哥知道我地要照顧小朋友，

所以冇比咩責任我地，都係行行企企。

哥哥嘅同事，舊同學，朋友，我都識得7788，加埋自己親戚，

我幾個同事，師兄（佢地同我屋企人好熟，所以婆婆有請佢地）

 基本上所有男家我都識咁滯，淨係每人一句都唔得閒，

所以呢段時間我係冇理過B be嘅，靠哂姐姐睇住！ 

爸爸就負責睇住小檬。

哥哥安排咗部貼紙機比啲guest 玩。

好在我地都有啲時間, 趁冇咩人就玩吓先


超好笑~小檬&好可愛嘅花女


貼紙相

可能呀仔以為呢個係面具，成日遮住自己個面

呢張相其實有啲問題

掉轉咗個mr & mrs 

好在舅父同事嘅仔仔同佢啱玩

（之前卡通人物生日會果個woody 哥哥）

仲有紫微斗數添。。。


做咩咁愕然? 

來賓嚟得7788新娘要準備換衫行禮，仲有好多親戚未滿影相。。。
睇吓邊個嚟?!

跟住梗係我地招呼佢地啦

另一方面安排小檬同花女玩咗一陣

靚女面前梗係扮吓型啦

呢個花女好得意架。。一聽到音樂就自己搖。
準備march in
之後我地已經行定出去

唔知道點解等佢地睇片之後話要倒數march in幾分鐘好似好漫長，

因為要叫兩位兩三歲嘅小朋友唔好走係何其困難！

放咗佢地又驚捉唔返。
唯有喺到同佢玩住等叫埋表舅父母幫手。。

呢幾分鐘簡直係好似係一個鐘咁長
終於到喇。。。

音樂一起，就行喇。

 兩個都有拖吓手


不過花女唔太肯比小檬拖。

我係則邊磅住佢，佢唔比我行開，黐住行，
我嘅宗旨係有行到就算得
唔理拖唔拖喇，結果好叻有行到上台！

一片混亂

花仔先生唔肯留低，淨返花女喺到

MC林曉峰

趁有時間玩吓自拍

另外陳展鵬都有嚟，不過我太忙見唔到。

宣讀誓詞，情深對望

朋友影到我地一家好忙嘅情況

晚宴開始我有食吓野，不過已經唔專心，又要照顧吓婆婆，

又要照顧小檬，又要抱住B be，
開始同啲親戚朋友傾吓玩吓
之後B be就同姐姐坐，食吓奶換吓片

跟住連表哥仔都一齊過嚟玩

咁難得，當然同自己啲朋友影吓相

扮 cutie，好得人驚~ 哈哈

媽媽伴娘

我地嘅家庭醫生
睇醫生睇到做咗friend，哈哈
唔係因為成日睇，不過舅父吹水都有一手

同名男士，真係特別靚仔喎

師兄們，又係由細識我屋企大

媽媽工作識嘅馬交朋友，好似我哥哥咁
又係識埋舅父，我結婚佢仲坐主家席！哈哈

媽媽同事。多得佢幫手，做男家reception

（本來安排啲表哥，點解遲咗，

同事又早到，唯有叫佢幫吓手）

甜品喇。。我都冇咩食過野！

玩吓影吓相好快都差不多散席，B be咁耐都未瞓過，
唔肯瞓。可能太多人，太開心。睇吓佢對眼同個眼袋，
完全係要瞓，不過頂住果隻

仲突然間識企喎！！

送客時候喇。。。兩位小朋友仲頂得住
送完客已經係十一點幾佢地仲未冧。。，好野！！！
不過我已經累到爆燈

林生夫婦而家先走，於是走去影張相先








湊住兩個做主人家，又要招呼人，又要照顧兩個小朋友
累嘅情況拍得住自己結婚！
上台影大合照或者全家幅都有啲難度，
B be可能又瞓著咗，小檬又未必肯乖乖上去，
好在只得一個哥哥，終於完成

歡迎舅母！