半天假

舅父婚禮之前一日，我攞咗半天假，

諗住早啲返屋企整理行裝，諗住食完lunch 就返屋企，

點知無啦啦又走咗去嘆茶

（老公話湊埋小檬一齊食埋先返去時間都係差不多。。。）

好啦，又唔知點解走咗去尖東，因為話去科學館。

(最終冇去到喎)

去咗天外天。點心好好食，

小檬其實都唔係唔食肉，呢度嘅"安格C牛肉炒河"
佢就食喇！

食完哂，學校教緊happy face 同angry face， 

仲有sad face，就同佢玩吓

表情分都有80分呱

隔離有個遊樂場，
應該之前消防員宿舍先會有小朋友落嚟玩，
或者遊客小朋友, 
而家小檬可以自己一個玩哂

跟住諗起商場有冰雪公主睇，於是又趁冇柑多人去睇吓，

點知都差不多六點先去到，人龍都唔短，

於是求其喺塊大back drop到影一張就算，

好在小檬都冇lur要入去。

返到屋企寫埋卡賀比舅父

唔食得架妹妹~ 

結果話放半日假早啲返屋企嘅我，

到頭來, 都係好似平時咁樣@@