爸爸生日大澳遊

同爸爸食完生日蛋糕之後就出發去玩喇

今日嘅目的地係我地5個都未去過嘅大澳呀～

先揸車入到東涌，lunch之後就搭11號巴士入去
原來都好多人架。。好在排咗十分鐘都已經到。

本來B be 瞓咗，臨上車就醒咗@-@

可怕嘅事情發生咗~
B be 開始扭計呀！

我已經孭住佢拍返佢瞓，又氹又拍又唱歌又餅餅，差未跳火圈咋

咩都做齊都係大喊，成車人都望實我地=__=

呢個時候嘅小檬哥哥就同佢papa瞓到豬一樣

後來爸爸都幫吓手，咩都試吓，結果出動咗ABC song先平靜少少。
我真係想像唔到同佢搭飛機係點（即係叫我慳返）

到咗..唔開心嘅事忘記佢，開始掃街，
首先係大粒魚蛋 $12/2pcs

食完我都已經飽

檬哥哥呢，就啱啱瞓醒，未有mood


繼續就係炭燒雞蛋仔

我好似乎食咗兩粒就冇食過

呢檔仲有得比我地唞吓, 睇吓船

啱啱行已經要坐吓?? 因為B be要食奶

影吓鹹魚

再行落去睇吓風景

好靚

周圍行吓

不過再入有大又細好難行

再行橋嘅另外一邊，去到呢度已經見到日落喇 

（咁快？呢個時候4點幾, 其實我地差不多兩點幾先入到）

B be換片時候發現唔見咗對鞋
唯有返轉頭先搵

一路行去間酒店睇吓

你睇佢真係好容易笑

小檬而家影相就咁架喇

要威脅先影到有個樣睇吓

到酒店喇，其實最主要想去廁所。
職員叔叔見我地拖一個抱一個，
話開架lift比我地上，真係好好呀。。

其實之前都見有好多小朋友，
不過可能我地面容扭曲，
所以叔叔先淨係開比我地

好有趣嘅經歷

呢間酒店好似係由舊警署改建而成，不過都成二千蚊晚

媽咪，我想掂吓啲水呀。。一次吖

兄妹合照，不過唔見到哥哥

叫佢坐出啲呢，又呢樣又果樣

最後自己比咗個happy face

B be呢個就真係happy face 喇!

唔想太夜坐車，我地都係行咗一陣

沿路出去都睇吓有冇隻鞋仔，結果都係冇！

好多人有坐嘅船仔我地都冇坐，因為小檬驚喎！
 都唔知點解隻豬咁細膽＠＠

回程嘅時候，B be 瞓到隻豬咁，唔使喺車扭。

喺food court 食埋飯返屋企，攪掂埋啲小朋友，真係散哂！！
我地都係冇帶BB車，大家輪流抱吓就算！

（經過幾星期日日走出去玩，我每次返嚟都同自己講要休息返一日，
不過第二日又會再出過去！）