7.07.2015

朱太婆婆 + 三姑六婆

星期日中午到咗舊鄰居屋企,
以前佢地一家三口就住喺我地屋邨對面,
女女就好似而我家嘅妹妹豬咁大,好得意,好鍾意嚟我地屋企玩,
小檬婆婆就煮埋飯,叫佢嚟食,同妹妹沖埋涼,好似一家人。
雖然搬開咗好耐,我地都成日聯絡,我仲介紹咗呢位妹妹入我公司~

好鍾意同佢飲茶,因為朱公公好鍾意同啲小朋友玩,
上次帶呀仔去冒險樂園,今次就同妹妹豬行街街,
小檬同姐姐油顏色,我同爸爸兩個先可以有啖安落茶飯。

飲完茶,梗係要幫手看吓鋪啦

不過唔使三秒就要走出去睇玩具!
小朋友最開心就係有人拖住佢地去買玩具~~

之後就上佢地屋企玩吓
玩玩吓比我發現我細個時候豬仔毛公仔!!!
細豬仔可以放入大豬肚裡面
我記得係我大咗就送比妹妹,估唔到佢地仲keep得好好!!!
反而我自己果啲真係冇位扔哂~

朱太婆婆買嘅煮飯凳。小檬之前張積木凳都係朱太婆婆買!

(返屋企先記得影張相)

小朋友開始冇電
休息完
晚食完飯,就上左個親戚屋企
婆婆喺果到打麻雀食飯,
上去接佢順便見吓呢位BB

哇,好重手,真係重過小檬

呢位BB其實係
我爸爸。。嘅爸爸。。嘅妹妹。。嘅仔。。嘅仔。。嘅女。。嘅仔

講多次先~ 
我爸爸嘅爸爸(即爺爺)嘅妹妹(即我姑婆?)嘅仔(即我表伯?)
嘅仔(即我表哥)嘅女(即係咩呀? )嘅仔即係咩呀x2  )


 我呀嫂話係 
"表外姪孫"
 有冇專家知啱唔啱?

簡單嘅我都識啲,不過太複雜真唔識,好難
而家有啲apps可以幫吓手


個名好正,叫"三姑六婆計算機"
不過太複雜佢都好似唔識計
我都要努力啲上網學吓,唔係都唔知點教啲小朋友!!

6 則留言:

  1. 呢個三姑六婆計算機嘅名堅正喎,kakaka
    估唔到你哋一家嘅輩分咁高,失覺晒﹗

    回覆刪除
    回覆
    1. 唔講都唔醒起,原來呢個B令兩位小朋友升上一輩

      刪除
  2. 哈哈,好攪笑!呢個app正呀,我都要dl先得!我老公又係大家族,真係唔識稱呼

    回覆刪除
    回覆
    1. 不過呢個太複雜都唔係好識計! 你快啲學吓教返我

      刪除
  3. Hahahaha, 呢個apps 正呀,我完全唔識,叫uncle auntie 算 嘩哈哈

    回覆刪除
    回覆
    1. 香港都仲係會好detail咁叫。。。

      刪除