Summer fun fun fun @澳門 Day 1 (更新加Playroom)

六月尾的時候，契仔女爸爸話佢地會一家大細到澳門玩

一問之下酒店房價錢都唔貴喎。。

星期六加上係暑假都係千一蚊到，於是我地又跟埋一齊去玩喇！

婆婆同姐姐都有同行一齊去，四個對兩個，

仲要只係澳門，難度分好低。

一大清早快手快腳就準備好出門口，

今次比原定時間早咗出門口添, 叻叻

去到食個快手嘅麥當當就入閘同契仔女家集合，齊齊上船。

起程喇。。。

妹妹豬呢頭起身，果頭就眼瞓＠＠ 所以冇影到

婆婆姐姐負責妹妹，小檬自己畫吓畫，油吓顏色，我諗住可以休息一吓，

點知比檬爸瞓先我一步＝＿＿＿＿＝ 

結果就係我睇住小檬喇, 

好在一個鐘嘅船程對小檬原全冇難度！

到步喇。。。RB叔叔嘅自拍～

日里萬機嘅檬爸同悠閒嘅團友

初頭諗住去酒店放低行李先，點知道十一點都可以check in，梗係攪掂埋先啦

今次住呢間酒店, 淨係聽英文名都好啲, 叫grand lapa 

中文名叫金麗華（超級老土）

我都未聽過，原來即係舊文華東方

房間大細都OK啦

不過有少少舊，對我嚟講冇咩所謂

住一晚半晚我唔會介意，所有野都算乾淨就得。

小朋友ready。。。碌床

跳床。。。

碌吓陸吓太興奮，妹妹豬碌咗落床板，澎一聲，

好在只係得啲聲，應該唔係好痛，冇大喊！

小檬: 碌床跳床經過長時間訓練，要有專人指導先可以

一陣我地就去呢個泳池玩喇

跟住就出去食晏先

約咗個unlce/auntie，目的地喺漁人碼頭。

今次都係我第一次嚟。。。

星期四凌晨嘅大雷雨令我以為呢兩日都要著雨樓，

麻麻煩煩咁帶抱住啲小朋友行。

誰不知呢日烈日當空！

真係停低一下影張相都唔想，

原來好大, 想快啲行去酒樓，

不過由入口行入去都差不多有三條街

暈。

如果涼啲嚟相信仲好

酒樓叫金軒, 點心食物都好好食呀

濠叔叔好鍾意小朋友

仲有清EE，永遠都咁斯文

周圍行咗一吓, 不過好多B6

周圍影吓相

不過太熱。。我真係頂唔住

小朋友仲可以走黎走去

食完行返酒店都係15分鐘，

妹妹豬就眠一眠，我同爸爸小檬就游水水。

雖然屋企樓下會所都有泳池，不過去到酒店泳池就即刻多啲度假feel！

小檬都好興奮

呢間酒店都算好少B6嚟，

泳池都係外國人多，連香港人都少。

有條滑梯sir落嚟，初時小檬都唔肯，不過爸爸同佢玩又OK喎。。。

後來我都同佢玩咗一次。

契仔女都落埋嚟喇~ 

有staff派水果條同菠蘿冰

有哥哥同佢玩令捨開心。

小檬都係比較細膽，唔太敢落水。

不過我唔會迫佢，尤佢玩吓玩吓算

水上大戰。

契女。仔。契仔。

妹妹豬又瞓左冇份

已經玩咗成兩個鐘，小檬係時候上水，

都等唔到妹妹喇。。

上到房間呀妹先啱啱醒

同小檬沖完涼，婆婆陪佢叉吓電。

我地沖完涼就同咗妹妹姐姐去附近行吓。

去澳門係唔可空肚食晚餐嘅

於是就食啲下午茶先

妹妹個樣已經出賣咗佢。 

同妹妹食飽之後就去酒店Playroom放吓電

outdoor


indoor

雖然細細地

但一眼睇哂冇咩人

有得畫圖畫

扮吓靚先


魔鏡~魔鏡~ 點解我咁靚??

喂喂？哥哥你瞓醒未呀？呢度好多野玩呀 !! 

收到妹妹電話哥哥就即刻報

湊BB

Thomas 車車

一玩呢個就要唱row row row a boat

煮飯仔

成個playroom 得我地同另一小妹妹

於是放心唔使理佢地

冇人，我都可以玩

爸爸獨自打機中

玩完再出去食晚餐。。哈哈又食～

uncle幫忙book咗呢間"新口岸"

我地一行12大，3細，1B，

仲有我兩個澳門朋友，好在有張長檯咋。

呢間都算平民化嘅葡萄菜。

啲麵包好好食呀～ 隻咖喱蟹又好得！

雖然張檯來自唔同地區，唔同家庭，

不過有傾有講，嘻嘻哈哈就過咗一個開心嘅晚上！