Letterland Party ~ Water Walrus檬

小時候嘅A for Apple. B for Boy 已經不合時宜，

而家小檬學校用嘅Letterland

( 網上資料 : Letterland 是一套圖像拼音系統，

它透過音樂、圖像、拼音咭和故事等不同層次的教材，

循序漸進地教孩子認識26個英文字母的字音，把本來十分沉悶，

而且抽象難記的發音，以色彩豐富，生動有趣的圖像人物

(pictogram characters)編成故事，幫助孩子記憶，

使學習英文的新辭彙、串字、正確拼音技巧和閱讀，成為又開心，又有趣的事情。)

小檬好鍾意每學到一個新嘅character返嚟就好開心去教我地。

每個字母老師亦會用唔同嘅物料／方法將佢裝飾好。

返到屋企變成letterland wall。

  

   

五月時已經通知喺學期尾舉行咗一個Lettetland Party，

每位小朋友先揀一個字母，著住自製嘅costume，返學校開party！ 

到六月尾就通知小檬要扮咩

佢自己揀左呢個

W ~ water warlus

小檬應該玩我。。。揀隻咁難架？！?

唉。。美勞超級白痴嘅我真係想暈低！！！

有諗過TB，不過都係試吓自己整

跟住就睇吓身邊有咩廢料可以用，

喺公司見到個紙箱於是就有咗idea。。。

淨係界個W字都唔係容易!!! 

之後諗點包裝靚啲，整咗張有小檬英文名同walrus嘅紙包裝。

用藍色代表返海洋, 不規則型狀好難包 ><

唯有盡量，遠睇應該唔覺。

再加個主角warlus 用激絨剪貼。

本來諗住做帽或者面具，不過開左眼睛又好似冇咁靚。

都係求其黐好算喇。

6月尾開始攞紙箱返屋企整。。唔可以一日整哂。。到尋晚先完功。

檬爸爸其實都有幫手剪貼

呢兩個係我同佢分別係剪嘅圓形

well ... 我諗都係自己整返得喇。。

執手尾應該仲煩！

唯有夜晚等啲小朋友瞓哂先齊自己一個整，

朝早就叫主角試位，修改。

夜欄人靜已經好眼瞓，仲要整吓手工，

而家做家長嘅真係唔容易！（好在妹妹豬而家好合作，一落床就瞓到冧冧豬）

尋日場風，令我地以為今日唔使返學，要改下星期。

好在今日取消哂啲風球，party可以如期舉行，

因為小檬已經好期待呢個party，而我又唔使再心掛掛，

件大作係屋企，成日再睇吓有咩需要執好啲。

登。登。登。。。。凳~ 

water warlus檬

佢好開心呀

以手作BB班嘅我嚟講，都算滿意喇。

有W字。有walrus。有小檬名，算係咁啦。

見佢掛住都有啲論盡，於是今朝同佢返學。

都有見到其他同學仔，個個都打扮得好有心思！

相信佢地一定玩得好開心！

而家做家長真係唔容易

媽媽我會繼續努力架喇!!!