小檬20M喇！

小檬20M喇！

二字頭喇！！寫多幾篇就兩歲，真係好快～ 

食 

都係唔係大食仔，食夠就收工，好鍾意食生果。藍莓/提子/橙／瓜／香蕉 唔鍾意嘅食物一食到就lur，想知其他BB係咪會咁？定係會唔鍾意都照食？ 好鍾意自己畢，不過生果就叻，因為可以吉，烏冬就筆到周圍到係。

poopoo

而家有時會話poopoo咗，不過係呃人，之後就會笑，好似整蠱咗我地咁。

已經識講好都野： 

由一數到十（但冇咗個六字）

住邊 

婆婆住邊 

呢個月比我地嘅驚喜係 

上咗的士，同司機講我地屋苑名 

媽媽去咗邊？ 答所所 

自己講檬檬茶茶 

自己拎片片出嚟同巴C換 

自己瞓入面網床話教教豬豬 

同我地講開呀。。。噤呀。。。擰呀。。。 

識講迪尼呀。。（冇咗個士字） 

之前做梁振英，會叫佢伯伯，而家仲自己話係英伯伯添，我哋都打個突！

經過7仔就話報紙爸爸，要入去幫爸爸買報紙

每朝早我都要佢叫我哋早晨，習慣咗而家問佢朝早要點，佢就自己講早晨

活動能力

喺屋企會攞張凳仔企高，我都唔知收唔收埋好，諗住比佢坐喺到睇書畫畫

佢就攞去企高去窗台拎野。 又會喺sofa擒過去我電腦檯到拎遙控，玩keyboard，又或者拎我地啲電話玩。 

仲要專等我地入咗廚房先搗蛋，我就驚佢跌落嚟咋，同個講唔可以架，如果唔係會點呀。。佢就會話boom 呀。。。係囉講就識講，轉頭又唔識驚，又玩過。

一唔鍾意就扭計，發脾氣！好曳！

瞓教都ok,咪講，有時掛住玩唔肯瞓就傾住計拖佢入房，問佢東問佢西就傾傾下瞓著！

來自拍一張~

繼續加油！